يتاليا ۇكىمەتسىز قالدى: ەۋروعا قاتىستى الاۋىزدىق ۋشىعۋدا

يتاليادا ناۋرىز ايىنداعى سايلاۋدا جەڭىسكە جەتكەن ەۋروسكەپتيكتەر پارتياسى مەن ەو-مەن بىرلەسۋدى قولداۋشى ساياساتكەرلەر اراسىندا ساياسي تەكەتىرەس كۇشەيۋدە. بۇل تۋرالى lemonde.fr باسىلىمى جاريالادى.

بۇل ساياسي داعدارىس قالاي تۋىندادى؟

يتالياداعى وسى ساياسي تەكەتىرەس ەل پرەزيدەنتى سەردجو ماتارەللانىڭ 81 جاستاعى ەكونوميست پاولو ساۆونانىڭ ەكونوميكا جانە قارجى ءمينيسترى لاۋازىمىنا كانديداتۋراسىن قابىلداۋدان باس تارتقان شەشىمىمەن باستالدى. ءبارى اينالىپ كەلگەندە، ەۋروعا قاتىستى كەلىسپەۋشىلىككە كەلىپ تىرەلەدى. ال، ساۆونا — ەۋروينتەراتسيا مەن يتاليانىڭ ەۋروايماققا قوسىلۋىنا قارسى شىعۋشى. ياعني، پرەزيدەنت ماتتارەلا ساۆوناعا بولا، ۇكىمەتتىڭ بارلىق قۇرامىن قابىلدامادى. وسىدان كەيىن «بەس جۇلدىز» («Movimento 5 Stelle») پوپۋليستتىك قوزعالىسى مەن انتيمميگرانتتىق «سولتۇستىك ليگا» («Lega Nord») پارتياسى تاراپىنان تاعايىندالعان جاڭا پرەمەر-مينيستر دجۋزەپپە كونتە مۇنداي جاعدايدا جۇمىس ىستەي المايتىنىن ايتىپ، ۇكىمەتتى باسقارۋدان باس تارتتى.

ايتا كەتۋ كەرەك، ءىى دۇنيەجۇزىلىك سوعىستان بەرى يتاليادا بارلىعى 64 ۇكىمەت اۋىسقان ەكەن. «بەس جۇلدىز» پارتياسىنىڭ ليدەرى لۋيدجي دي مايو پرەزيدەنتكە قاتىستى يمپيچمەنت پروتسەدۋراسىن باستاۋعا شاقىرۋدا.

نەگىزىنەن، يتاليا ەكونوميكاسى — كولەمى بويىنشا ەۋروايماقتاعى ءۇشىنشى ەكونوميكا. ياعني، ەكونوميستەر سوڭعى بىرنەشە جىلدان بەرى ونىڭ ەشقانداي دامىماعانىن ايتۋدا.  وسى ايماقتاعى وزگەرىستەردى باقىلاۋشى ەو مەن الەمدىك نارىق ەۋروايماق ەلدەرىنىڭ 2010-2011 جىلدارداعى قارىز داعدارىسى تولىقتاي رەتتەلگەنمەن، ءالى شەشىمىن تاپپاعانىن مالىمدەدى. ال، ماتتارەلا جاقىن ۋاقىتتا مەرزىمىنەن بۇرىن سايلاۋ تۋرالى شەشىم قابىلدايتىنىن ايتتى.

“The Qazaq Times”