فوتو: Funke Medya

ەۋروپا وداعى (ەو) كوميسسياسى پلاستيكالىق قاپتاما، تۇتىكشە، قاسىق جانە شانىشقى سەكىلدى ءبىر رەتتىك ىدىس-اياقتاردىڭ وندىرىسىنە تىيىم سالماقشى.

ەو كوميسسياسى قورشاعان ورتانىڭ لاستانۋىمەن كۇرەس ءۇشىن پلاستيكالىق كەيبىر زاتتارعا تىيىم سالاتىن جوباسىن جاريالاماق. گەرمانيالىق «Funke Medya» اگەنتتىگىنىڭ حابارلاۋىنشا، كوميسسيا كۇندەلىكتى تۇرمىستا ءبىر رەت قانا پايدالانىلاتىن زاتتاردى ەۋروپا مۇشەسى ەلدەرىندە تىيىم سالۋعا دايىندالۋدا.

ەۋروپا وداعى قورشاعان ورتا مەن تەڭىز سۋلارىنىڭ تازالىعى ءۇشىن كوبىنەسە قوعامدىق ورىنداردا ءجيى قولدانىلاتىن ءبىر رەتتىك ىدىس-اياقتاردان تولىقتاي باس تارتپاق. سونىمەن قاتار، كۇندەلىكتى قولدانىستاعى ءبىر رەتتىك پاكەتتەر مەن مەديتسينا سالاسىنداعى تاعى دا سونداي پلاستيكالىق زاتتار دا ەندى جارامسىز قالماق. ەو كوميسسياسىنىڭ قارجىلىق ىستەر جونىندەگى كوميسسارى  گيۋنتەر ەتتينگەر پلاستيكالىق قوقىستار ءۇشىن بەلگىلى ءبىر مولشەردە سالىق ەنگىزۋدى ۇسىندى. «ەو-قا مۇشە ءاربىر ەل قولدانىلماعان پلاستيكالىق قالدىقتاردىڭ ءاربىر كەلىسى ءۇشىن 80 تسەنت ەو بيۋدجەتىنە سالىق تولەسىن»، - دەدى ول.

ەو كوميسسياسىنىڭ ايتۋىنشا، الەم بويىنشا تەڭىزدەگى قوقىستاردىڭ 85 پايىزى پلاستيكالىق ونىمدەر قالدىعى ەكەن.

“The Qazaq Times”