فوتو: liberation.fr

جەكسەنبى، 27 مامىر كۇنى يزرايل حاماس كۇشتەرىنىڭ ارەكەتىنە توسقاۋىل جاساۋ ءۇشىن زيكيم جاعاجايى توڭىرەگىندە تەڭىز بوگەتىنىڭ قۇرىلىسىن باستادى. بۇل تۋرالى ءيزرايلدىڭ قورعانىس ءمينيسترى اۆيگدور ليبەرمان «Twitter» الەۋمەتتىك جەلىسىندەگى پاراقشاسىندا مالىمدەمە جاساعان.

«گازا شەكاراسىنان يزرايلگە تەڭىز ارقىلى ءوتۋ مۇمكىندىگىنە توسقاۋىل جاسايتىن مۇنداي بوگەت باسقا ەش جەردە جوق»، - دەگەن مالىمدەمەسىندە مينيستر. ونىڭ سوزىنشە، تەڭىز بوگەتىنىڭ ارقاسىندا حاماس كۇشتەرى وزدەرىنىڭ تاعى ءبىر ستراتەگيالىق مۇمكىندىكتەرىنن ايىرىلدى. يزرايل قورعانىس مينيسترلىگى تاراتقان اقپاراتقا سايكەس، بوگەت قۇرىلىسى جىل سوڭىنا دەيىن اياقتالماق. ايتا كەتۋ كەرەك، تەڭىز بوگەتىن سالۋ شەشىمى 2014 جىلى حاماس بەلسەندىلەرى يزرايل تەرريتورياسىنا تەڭىز ارقىلى باسىپ كىرگەننەن كەيىن قابىلدانعان ەدى.

“The Qazaq Times”