حەلمان پروۆينتسياسىنا قاراستى ناد-الي اۋدانىندا تەررورلىق شابۋىل. فوتو: انادولى.

اۋعانستاندا ۇكىمەت كۇشتەرىنە باعىتتالعان تەررورلىق شابۋىلدار بارعان سايىن جيىلەي ءتۇستى. وتكەن ءبىر اپتانىڭ ىشىندە ۇكىمەتكە قاراستى قارۋلى كۇشتەرگە، پوليتسەيلەرگە باعىتتالعان شابۋىلداردان بىرنەشەۋى بولدى. اپتا سوڭىندا حەلمان پروۆينتسياسىندا جاسالعان شابۋىلدان 2 اسكەر قازا تاپتى. بۇل تۋرالى «انادولى» اقپاراتتىق سايتى حابارلادى.

اپتا سوڭىنداعى شابۋىلدا تەررورلىق توپ جارىلعىش تيەلگەن كولىكپەن اسكەري تۇراققا كىرگەن. كۇزەتتەگى جاساقتاردان 2 ادام قازا تاۋىپ، 4 ادام جاراقات العان.

كەزەكتى شابۋىلدى تاليبان ۇيىمى ءوز موينىنا الدى. قازىر اۋعانستان جەرىندە تەررورلىق توپتاردىڭ باقىلاۋىنداعى ايماقتار بارعان سايىن كەڭەيىپ كەلەدى. ءارى ەلدەگى تاليباندار مەن دايش كۇشتەرى كۇش بىرىكتىرۋدە. بۇل الداعى ۋاقىتتا اۋعانستان عانا ەمەس، ونىمەن شەكارالاس ەلدەر مەن ايماقتارعا ۇلكەن قاۋىپ تۋدىراتىنىن ايتىلۋدا.

“The Qazaq Times”