تاجىكستاننىڭ توعىز ميلليونشى تۇرعىنى 26 مامىردا دۇنيەگە كەلگەن. "حوۆار" ۇلتتىق اقپاراتتىق اگەنتتىگىنىڭ حابارلاۋىنشا، ەل پرەزيدەنتى جاڭا تۋعان ءسابيدىڭ اتا-اناسىن قۇتتىقتاپ، دۋشانبەدەن 3 بولمەلى پاتەر سىيعا تارتقان.

دۋشانبە مەرى رۋستام ەمومالي ءتيىستى قاۋلىعا قول قويىپ، جاس وتباسىعا پاتەر كىلتىن تابىستاپ ۇلگەرگەن. تاجىكستان پوستسوۆەتتىك مەملەكەتتەر اراسىندا بالا تۋ سانى جاعىنان الدىڭعى ورىندا. رەسمي مالىمەت بويىنشا جىل سايىن بۇل ەلدە 200 مىڭعا جۋىق ءسابي دۇنيەگە كەلەدى.

بۇۇ بولجامى بويىنشا، 2050 جىلعا قاراي تاجىكستان حالقىنىڭ سانى 14,5 ميلليون ادامعا جەتەدى.

“The Qazaq Times”