پۋتين: اقش-تىڭ ورنىنا ەۋروپادا قاۋىپسىزدىك ورناتۋعا دايىنبىز

ورىس پرەزيدەنتى ۆلاديمير پۋتين الەمدە بەيبىتشىلىك ورناتۋ ءۇشىن رەسەيدىڭ بارىنە دايىن ەكەنىن جانە قاۋىپسىزدىك سالاسىندا ەۋروپاعا كومەكتەسەتىنىن مالىمدەدى. 

پرەزيدەنتتىڭ سوزىنشە، رەسەي ەۋروپا ەلدەرىنە قاۋىپسىزدىك سالاسىندا كومەكتەسۋگە اردايىم دايىن. «ەممانۋەل (ماكرون — QT) Tehjgf vty F) اقش پەن ەۋروپانىڭ ەكىجاقتى مىندەتى بار دەدى: ەۋروپا قاۋىپسىزدىك تۇرعىسىنان بىرىككەن شتاتتارعا تاۋەلدى. الايدا، ەۋروپا ەلدەرىنە بۇعان الاڭداۋدىڭ قاجەتى جوق، ءبىز كومەكتەسەمىز»، - دەدى پۋتين. رەسەي پرەزيدەنتى وسى مالىمدەمەسى ارقىلى امەريكالىقتارعا ەۋروپادان اسكەرىن شىعاراتىن ۋاقىتتىڭ جەتكىنىن ايتقىسى كەلگەن سياقتى. ايتا كەتۋ كەرەك، امەريكانىڭ اسكەرى ءىى دۇنيەجۇزىلىك سوعىس اياقتالعاننان بەرى ەۋروپادان شىعارىلمادى.  ەۋروپا ەلدەرىنىڭ تەرريتورياسىنداعى، اسىرەسە گەرمانياداعى امەريكالىق اسكەرلەر اقش-تىڭ ەۋروداققا كورسەتىلگەن قىسىمداردىڭ باستىسى بولىپ تابىلادى. ال، رەسەي بيلىگى كەڭەس وداعى ىدىراعاننان بەرى ەۋروپا وداعىنىڭ قۇرامىنا كىرۋدە جولى بولماي ءارى ەو ەلدەرىن اقش-قا قارسى شىعۋعا كوندىرە الماي كەلەدى.

“The Qazaq Times”