گازا سەكتورىندا تاعى دا قاقتىعىس ورىن الدى

جۇما، 25 مامىر كۇنى گازا سەكتورىندا پالەستينالىقتار مەن يزرايلدىك اسكەريلەر اراسىندا تاعى دا قاقتىعىس ورىن الدى. قاقتىعىس سالدارىنان ءبىر ادام قازا تاۋىپ، 86 ادام جاراقاتتانعان. بۇل تۋرالى «DW» تەلەارناسى حابارلايدى.

يزرايلدىك دەنساۋلىق ساقتاۋ ورگاندارىندا قازا تاپقان ەر ادامعا وق تيگەن. ال جاراقاتتانعانداردىڭ كوپشىلىگى كوزدى جاساۋراتاتىن گاز بەن اتىس قارۋلارىنان جاراقاتتانعان.

«يزرايلدىك اسكەريلەردىڭ ايتۋلارىنشا، شامامەن 1600 پالەستينالىق ولارعا تاس اتقىلاپ، شەكاراداعى قورشاۋدى بۇزباقشى بولعان». ودان بولەك، دوڭگەلەكتەردى ورتەپ، يزرايلدىك اسكەريلەرگە قاراتا جارىلعىش قۇرىلعىلار لاقتىرعان. سونىمەن قاتار، يوردان وزەنىنىڭ باتىس جاعالاۋىندا يزرايلدىك اسكەريلەر مەن پالەستينالىق توپتاردىڭ اراسىندا دا شاعىن قاقتىعىس ورىن العان.

حاماس توبىنىڭ جەتەكشىلەرى يزرايل شەكاراسىنىڭ ماڭىنداعى نارازىلىققا شىعۋشىلار ورنالاسقان لاگەرگە كەلىپ، اپتا سايىنعى ميتينگتەرىن جالعاستىرا بەرەتىندىكتەرىن حابارلاعان. رەسمي ۇيىمداردىڭ ايتۋلارىنشا، 2012 جىلدىڭ 30 ناۋرىزىنان بەرى گازا سەكتورى ايماعىنداعى قاقتىعىستا 121 ادام قازا تاپقان.

“The Qazaq Times”