سولتۇستىك كورەيا ەڭ ماڭىزدى يادرولىق سىناق بازاسىن جاپتى

كەشە سولتۇستىك كورەيا ەلدىڭ سولتۇستىگىندەگى يادرولىق سىناق بازاسىن جاپتى. سولتۇستىك كورەيا اقش-پەن كەلىسسوز الدىندا ءوزىنىڭ مىندەتىن ورىنداعانىن كورسەتۋگە تىرىسقان. الايدا، وسىمەن ءبىر ۋاقىتتا اقش پرەزيدەنتى 12 ماۋسىمداعى كەلىسسوزدى وتكىزبەيتىن بولىپ شەشتى. بۇل تۋرالى WSJ باسىلىمى حابارلادى.

وڭتۇستىك كورەيا ۇكىمەتىنىڭ رەسمي مالىمدەمەسىندە، سولتۇستىك كورەيانىڭ يادرولىق سىناق بازاسىن جابۋ ارەكەتىنە وڭ باعا بەرىپ، اقش-پەن كەڭەيتىلگەن كەلىسسوز وتكىزۋگە مۇمكىندىك بەرەدى دەپ باعالاعان. بىراق، بۇل مالىمدەمەلەردەن كەيىن اقش تارابى كەلىسسوزدى كۇشىنەن قالدىردى

سولتۇستىك كورەيا باسشىسى وسىعان دەيىن: «بۇل سىناق الاڭىنىڭ بىزگە كەرەگى قالمادى»، – دەپ كەلگەن. اقش پەن وڭتۇستىك كورەيا تارابى كحدر-نىڭ تولىقتاي يادرولىق قارۋسىزدانۋ ارقىلى سانكتسيالاردى جوعالتىپ، كيم رەجيمىن ساقتاپ قالۋعا الماستىرۋىن قالاعان. الايدا، سولتۇستىك كورەيا اقش-تىڭ يادرولىق قارۋسىزدانۋ ءىسىن تەزدەتۋگە قىسىمىن قابىلداي المادى.

ايتا كەتەيىك، يادرولىق پوليگوننىڭ جابىلۋىن اقش، قىتاي، رەسەي، ۇلىبريتانيا جانە وڭتۇستىك كورەيا جۋرناليستەرى باقىلادى.

“The Qazaq Times”