فوتو: Le Dauphine

فرانتسياداعى مەملەكەتتىك قىزمەتكەرلەردىڭ قارسىلىق ناۋقانىنا 139 مىڭ ادام قاتىسۋدا. بۇل تۋرالى فرانتسيانىڭ ىشكى ىستەر مينيسترلىگى ناقتى مالىمەت بەردى، دەپ حابارلايدى  Le Dauphine اگەنتتىگى.

فرانتسيانىڭ وزگە ايماقتارىن ايتپاعاننىڭ وزىندە، ءبىر عانا پاريج قالاسىندا 15 مىڭ ادام قارسىلىق ناۋقانىنا شىققان. ال، اتالعان مەكەمەنىڭ مالىمەتىنشە، فرانتسيانىڭ ءتۇرلى اۋداندارىندا بۇگىنگە دەيىن وتكەن قارسىلىق اكتسياسىنىڭ سانى 180-گە جەتكەن. بۇعان دەيىنگى حابارلارعا قاراعاندا، ميتينگكە شىعۋشىلار مەن پوليتسەيلەردىڭ اراسىندا قاقتىعىس ورىن الىپ، قۇقىق قورعاۋشىلار شەرۋشىلەرگە قارسى گاز بەن سۋاتقىشتار پايدالانعان. 118 ادام تۇتقىنعا الىنعان.

ەستەرىڭىزگە سالايىق، 22 مامىر كۇنى فرانتسيانىڭ بارلىق ايماعىندا مەملەكەتتىك قىزمەتكەرلەردىڭ، تەمىرجولشىلاردىڭ جانە اۋەجاي قىزمەتكەرلەرىنىڭ جاپپاي شەرۋى وتكەن ەدى. بۇگىندە فرانتسيانىڭ ءتۇرلى ايماقتارىندا قارسىلىق ناۋقانىنا شىعۋشىلار ءالى دە بار، دەپ حابارلايدى اقپارات قۇرالدارى. ەرەۋىل مەن قارسىلىق ناۋقاندارى پرەزيدەنت ەممانۋەل ماكروننىڭ رەفورماسىنا قارسىلىق رەتىندە ۇيىمداستىرىلدى. ايتا كەتەيىك، بۇعان دەيىن ماكرون، SNCF ۇلتتىق تەمىرجول كومپانياسى قىزمەتكەرلەرىنە ارنالعان جەڭىلدىكتەر مەن ارنايى مارتەبەنى جويۋ، سونىمەن قاتار، 120 مىڭ مەملەكەتتىك قىزمەتكەردى جۇمىستان قىسقارتۋ ارقىلى رەفورما جاسايتىنىن حابارلاعان ەدى.

“The Qazaq Times”