استانادا دۇلەي داۋىل كەلتىرگەن شىعىن ەسەپتەلۋدە

استانا قالاسىنىڭ اكىمى اسەت يسەكەشەۆ دولى داۋىل كەلتىرگەن شىعىندى ەسەپتەپ، قيراعان عيماراتتاردى از ۋاقىتتا قالپىنا كەلتىرۋدى تاپسىردى. بۇل تۋرالى اكىمدىكتىڭ ءباسپاسوز قىزمەتى حابارلادى.

قالادا جەدەل شتاب قۇرىلعان. ماماندار تابيعي اپات سالدارىمەن كۇرەسۋگە كىرىسىپ كەتتى. شەندىلەر تاراتقان اقپارات بويىنشا، 24 تۇرعىن ءۇيدىڭ قاسبەتى بۇلىنگەن ەكەن. سونداي-اق، 7 الەۋمەتتىك نىساننىڭ شاتىرى جۇلىنىپتى. ودان بولەك، دولى داۋىلدان 8 اعاش قۇلاپ، مىڭنان اسا قورشاۋ قيراپ قالعان. قالا اكىمى اتالعان نىسانداردى جاۋاپتىلارعا از ۋاقىتتا قالپىنا كەلتىرۋدى تاپسىردى.

اپاتتان 10 ادامنىڭ زارداپ شەككەنى ناقتىلاندى. ونىڭ ءبىرى اۋىر دەنە جاراقاتىمەن قالالىق اۋرۋحانادا ەم قابىلداپ جاتىر ەكەن. دارىگەرلەر ناۋقاستىڭ ومىرىنە قاۋىپ ءتونىپ تۇرعان جوق دەيدى.

“The Qazaq Times”