قىتاي قازاقستانعا اقشا بەرمەك

قىتاي ينۆەستورلارى قازاقستاندا سالىناتىن جاڭا جولداردىڭ  قۇرىلىسىن قارجىلاندىرماق. "قازىنا كاپيتال مەنەدجمەنت" اكتسيونەرلىك قوعامىنىڭ باسقارما توراعاسى اسقار دوستياروۆتىڭ ايتۋىنشا، قىتايدىڭ جەتى بىردەي قارجىگەرى 350 ملن دوللار بولۋگە  دايار ەكەن. بۇل تۋرالى Tengrinews.kz پورتالى حابارلادى.

قوس تاراپ اراسىنداعى بۇل كەلىسىمگە شانحاي ىنتىماقتاستىق ۇيىمىنىڭ كەزەكتى جيىنى كەزىندە قول قويىلادى. ولار بىرلەسكەن قور قۇرىپ، وتاندىق كومپانيا ازىرلەگەن بىرنەشە جوبانى جۇزەگە اسىرماق. قازىردىڭ وزىندە قوردا 400 ملن دوللارعا جۋىق قاراجات بار ەكەن. ونىڭ تەك 7 پايىزى عانا وتاندىق ينۆەستورلارعا تيەسىلى. قالعانىن قىتايلىق قارجىگەرلەر قۇيعان.

وسى تۇستا، ەكى ەل اراسىنداعى بۇل بايلانىستىڭ بەكي ءتۇسىپ، شىڭجاڭ ايماعىندا قىسپاققا الىنعان ەتنيكالىق قازاقتاردىڭ بۇعاۋدان بوساۋىنا ىقپالى تيسە يگى ەدى. ويتكەنى، شۋ شىققان وڭىردەگى جاعداي قازىر بىرتە رەتتەلە باستاعانىن اڭعارۋعا بولادى. وسىعان دەيىن، ايماقتى بىرنەشە جىل باسقارعان لاۋازىمدى تۇلعالاردىڭ ورنىنان كەتىپ، ديپلوماتيالىق قارىم-قاتىناس ورناتۋعا نيەتتى ادامداردىڭ جاڭا قىزمەتتەرگە تاعايىندالعانىن حابارلاعان ەدىك.

“The Qazaq Times”