شىنجاڭنىڭ ماڭىزدى لاۋازىمدىلارى قىزمەتتەن كەتتى

ەكى جىلدان بەرى قىتايدىڭ شىنجاڭ ۇيعىر اۆتونوميالى رەگيونىنداعى ساياسي-الەۋمەتتىك جاعدايى ءتۇرلى قايشىلىقتارعا ۇلاستى. جەرگىلىكتى بيلىكتىڭ  تەرروريزم مەن ءدىني ەكسترەميزمگە قارسى كۇرەسىندەگى اسىرا سىلتەۋ ارەكەتتەرى وڭىردە ادام قۇقىعى، ءدىني نانىم-سەنىم بوستاندىعىنا اۋىر نۇقسان كەلتىرىپ، قازاق، ۇيعىر قاتارلى ۇلتتاردىڭ قۇقىعى شەكتەۋلەرگە ۇشىرادى.

ءوڭىردىڭ رەسمي اقپارات قۇرالدارى تاراتقان حابارلارعا قاراعاندا، سوڭعى كۇندەرى شىنجاڭدا اتالعان ءۇردىستى وڭ باعىتتا رەتتەۋ قادامدارى جاسالعانى ايتىلدى. ايتالىق شىنجاڭنىڭ قوعام قاۋىپسىزدىك، ءبىلىم، ۇلتتىق ساياسات، ۇلتتاردىڭ ءتىل-جازۋى ءىسى، ەكونوميكا جانە اقپارات دەپارتامەنتتەرىنىڭ باسشىلارى قىزىمەتىنەن الىنىپ، ورنىنا جاڭا باسشىلار تاعايندالعان. سونىمەن بىرگە، كورشىلەس ەلدەرمەن بولعان قارىم-قاتىناستاردى رەتتەۋ باعىتىندا دا جۇمىستار جاسالۋدا.

 «شىنجاڭ گازەتى»،  «حالىق گازەتى» قاتارلى قىتايدىڭ رەسمي باسىلىمدارىنىڭ  سەنبى كۇنگى قابارىنا قاراعاندا، شۇار-نىڭ XIII كەزەكتى تۇراقتى كوميتەت كەڭەسىنىڭ ءۇشىنشى ماجىلىسىندە شىنجاڭ ۇكىمەتىنىڭ لاۋازىمدىلار قاتارى وزگەرىستەرگە ۇشىراعان.  اتالعان باسىلىم جاڭادان تاعايىندالعان لاۋازىمدى تۇلعالار تۋرالى مىناداي مالىمدەمە جاسادى:

1, تۇرسىنجان ءالي شۇار حالىق ۇكىمەتىنىڭ باس حاتشىسى;

2, ءشۇي بين (Xui Bin) شۇار دامىتۋ جانە رەفورمالاۋ كوميتەتىنىڭ توراعالىعىنا;

3, حۋ كايجياڭ (Hu Kaijing) شۇار ەكونوميكا جانە اقپارات كوميتەتى توراعالىعىنا;

4, پارحات ءازىم شۇار ءبىلىم دەپارتامەنتىنىڭ ديرەكتورلىعىنا;

5, جياڭ شياۋلەي (Jing Xiaolei) شۇار عىلىم جانە تەحنولوگيالار دەپارتامەنتىنىڭ ديرەكتورى;

6, ماحمۇت وسمان شۇار ەتنيكالىق ماسەلەلەر جونىندەگى دەپارتامەنتتىڭ ديرەكتور;

7, ءدىلمۇرات مۇسا شۇار ۇلتتاردىڭ ءتىل-جاۋزى ءىسى جونىندەگى دەپارتامەنتىڭ ديرەكتورى;

8, ۋاڭ ميڭشان (Wang Mingshan) شۇار قوعامدىق قاۋىپسىزدىك دەپارتامەنتىنىڭ ديرەكتورى;

9, توقتى ياحۋپ شۇار ۇلتتار ساياساتى دەپارتامەنتىنىڭ ديرەكتورى;

10, ءانۋار سەيت شۇار ادىلەت دەپارتامەنتى ديرەكتورى;

11, ءۋان حايچۋان شىنجاڭنىڭ قارجى دەپارتامەنت ديرەكتورى;

12, راقىمانجان داۋىت كادر جانە الەۋمەتتىك قامسىزداندىرۋ دەپارتامەنتىنىڭ ديرەكتورى;

13, قادىربەك قامزا جەر جانە رەسۋرستار دەپارتامەنتىنىڭ ديرەكتورى;

14, ورازبەك راسۇلحان قورشاعان ورتانى قورعاۋ دەپارتامەنتىنىڭ ديرەكتورى;

15, لي شۋەدۇڭ تۇرعىن ءۇي جانە قالا قۇرىلىسى دەپارتامەنتىنىڭ ديرەكتورى;  

16, جيا شينۋىن  سۋ رەسۋرستارى دەپارتامەنتىنىڭ ديرەكتورى;

17, قارقىن قابدىكارىم مال شارۋاشىلىعى دەپارتامەنتىنىڭ ديرەكتورى;

18, رۋڭ ءجۇن ساۋدا دەپارتامەنتىنىڭ ديرەكتورى;

19, يۋسۋفجان مامەت مادەنيەت دەپارتامەنتىنىڭ ديرەكتورى;

20, اسەنجان احمەت كولىك-كوممۋنيكاتسيا دەپارتامەنتىنىڭ ديرەكتورى;

21, زۋلفيا ابدىقادر ورمان شارۋاشىلىعى دەپارتامەنتىنىڭ ديرەكتورى;

22, ءمۇتالىپ روزى دەنساۋلىق ساقتاۋ جانە جوسپارلى تۋ جونىندەگى دەپارتامەنتىنىڭ ديرەكتورى بولىپ تاعايىندالدى.

بۇل جاڭا تاعايىنداۋلار مەن وزگەرىستەر، جالپى شىنجاڭ ساياساتىنىڭ، ۇكىمەت بيلىگىنىڭ وزگەرىستەرگە ۇشىراعانىنان دەرەك بەرەدى. بەي رەسمي دەرەكتەرگە قاراعاندا، شىنجاڭنىڭ ءبىرىنشى حاتشىسى چىن چۋانگو دا لاۋازىمىنان كەتۋى مۇمكىن.

“The Qazaq Times”