وزبەكستاندا مەملەكەتتىك قىزمەتكەرلەردى انت بەرۋگە مىندەتتەمەك. كورشى ەل بيلىگى "مەملەكەتتىك قىزمەت جونىندەگى" جاڭا زاڭ جوباسىن قوعامدىق تالقىلاۋعا شىعارعان. بۇل جونىندە جەرگىلىكتى باق حابارلايدى.

زاڭ جوباسىنىڭ 55-بابىندا مەملەكەتتىك قىزمەتكە ءبىرىنشى رەت كىرىسكەن تۇلعا تومەندەگىدەي انت قابىلداماق:

«وزبەكستان كونستيتۋتسياسى مەن زاڭدارىن ساقتاۋعا، مەملەكەتتىك قىزمەت ۇستانىمدارىنا ساي جۇرۋگە جانە وزىمە جۇكتەلگەن مىندەتتى ادال اتقارۋعا انت ەتەمىن. انتتى بۇزعان جاعدايدا زاڭعا سايكەس جاۋاپقا تارتىلامىن».

وسىدان كەيىن انت قابىلداعان مەملەكەتتىك قىزمەتكەر انت ماتىنىنە قول قويىپ، ونى قابىلدايدى.

ساراپشىلار مەملەكەتتىك قىزمەتكەرلەردىڭ انت بەرۋى - ەلدەگى جەمقورلىقتى جويۋعا ىقپالداسادى دەپ وتىر.

                        “The Qazaq Times”