فوتو: REZONANS.KZ

اقش رەسەيدىڭ ورتالىق ازياعا ءتونىپ تۇرعان قاۋىپ جونىندەگى مالىمدەمەسىنە سەنبەيدى.

اقش قورعانىس مينيسترلىگىنىڭ ءباسپاسوز قىزمەتى باسشىسىنىڭ ورىنباسارى كون فولكنەر ريا نوۆوستي اقپارات اگەنتتىگىنە بەرگەن سۇحباتىندا: «رەسەي «يسلام مەملەكەتى» تەررورلىق ۇيىمىن جەلەۋ ەتىپ اقش-تىڭ اۋعانستانداعى ءىس-قيمىلدارىنا كەدەرگى كەلتىرۋدە. رەسمي ماسكەۋ ۋاشينگتوننىڭ ورتالىق ازيالىق ارىپتەستەرىمەن اراداعى بايلانىسىن بۇزۋ ءۇشىن ءتۇرلى ايلا-تاسىلدەر پايدالانۋدا. رەسەيدىڭ «يسلام مەملەكەتى» تەررورلىق ۇيىمى ورتالىق ازيا اۋماعىنا باسىپ كىرمەك» - دەگەن مالىمدەمەلەرى ساياسي پروپاگاندا» - دەپ مالىمدەگەن.

ەستەرىڭىزگە سالايىق، مامىر ايىنىڭ باسىندا رەسەي سىرتقى ىستەر ءمينيسترىنىڭ ءبىرىنشى ورىنباسارى ولەگ سىرومولوتوۆ دۋشانبە باس قوسۋىندا: «اۋعانستان تەررورلىق ۇيىمداردىڭ اسكەري بازاسىنا اينالىپ بارادى. قازىرگى تاڭدا ەل اۋماعىندا 10 مىڭعا جۋىق سودىر بار. ولاردىڭ باستى ماقساتى ورتالىق ازيا مەن رەسەيدە تۇراقسىزدىق ورناتىپ، اتالمىش ايماقتا «سولتۇستىك حوراسان» كۆازيمەملەكەتىن قۇرۋ» - دەگەن.

“The Qazaq Times”