حۋسيدتەر كەزەكتى زىمىران شابۋىلىن جاسادى. فوتو: انادولى.

يەمەندەگى حۋسيد كۇشتەرى جاعىنان ساۋد ارابياسىنىڭ حاميس-مۋشايت قالاسىنا زىمىران شابۋىلى جاسالدى. زىمىران ساۋد ارابياسىنىڭ اۋە قورعانىس جۇيەسى جاعىنان اۋەدە جويىلدى. بۇل تۋرالى «ءال-يحباريەن» رەسمي اقپاراتتىق اگەنتتىگى حابارلادى.

يەمەندەگى حۋسيد كۇشتەرىنە قاراستى «ءال-مەسيرە» تەلەارناسى، «بەدير-1» زىمىرانىنىڭ حاميس-مۋشايت قالاسىنداعى رادار جۇيەسىن نىساناعا العانىن ايتقان.

ايتا كەتەيىك، ساۋد ارابياسى باستاعان كواليتسيا كۇشتەرى يەمەندەگى سوعىسقا 2015 جىلدىڭ 26 ناۋرىز كۇنى ارالاسقان بولاتىن. ءۇش جىل ىشىندە حۋسيد كۇشتەرى ساۋد ارابياسى تەرريتورياسىنا 140-تان استام زىمىران شابۋىلىن جاساعان.

ساۋد ارابياسى حۋسيدتەردىڭ زىمىران شابۋىلىنا يران تارابى قولداۋ كورسەتىپ كەلەدى دەپ قارايدى.

“The Qazaq Times”