ماۋسىم ايىنىڭ 16-سى مەن 29-ى كۇندەرى ارالىعىندا استانادا ءىى دۇنيەجۇزىلىك «استانا» تەاتر فەستيۆالى وتەدى.

مادەنيەت جانە سپورت مينيسترلىگىنىڭ قولداۋىمەن «قازاقكونتسەرت» مەملەكەتتىك كونتسەرتتىك ۇيىمى ۇيىمداستىرىپ وتىرعان ءىى دۇنيەجۇزىلىك «استانا» تەاتر فەستيۆالىنە «Piccolo Teatro di Milano» (يتاليا), «1927» (ۇلىبريتانيا), «THEATER 11» تاۋەلسىز ينتەرناتسيونالدىق تەاترى (گەرمانيا), «Meno Fortas» (ليتۆا), «TRWarszawa» (پولشا), ش.رۋستاۆەلي اتىنداعى گرۋزين مەملەكەتتىك اكادەميالىق تەاترى (گرۋزيا), «Beijing People’s Art Theatre» (قىتاي), «Nakamura Gekijo» (جاپونيا), وزبەك ۇلتتىق اكادەميالىق دراما تەاترى (وزبەكستان), «موسكوۆسكي گۋبەرنسكي تەاتر» جانە لەنسوۆەت اتىنداعى سانكت-پەتەربۋرگ اكادەميالىق تەاترلارى (رەسەي) قاتىسادى دەپ كۇتىلۋدە.

قازاقستان اتىنان اتالمىش شاراعا م.اۋەزوۆ اتىنداعى قازاق مەملەكەتتىك اكادەميالىق دراما تەاترى، ق.قۋانىشباەۆ اتىنداعى اكادەميالىق قازاق مۋزىكالىق دراما تەاترى جانە «استانا ميۋزيكل» تەاترلارى قاتىسپاق.

بۇدان بولەك «استانا» تەاتر فەستيۆالى اياسىندا فرانتسيالىق كينو جانە تەاتر ءارتىسى، وسكار سىيلىعىنىڭ يەگەرى جيۋلەت بينوشتىڭ شەبەرلىك ساباعى مەن مونوسپەكتاكلى وتپەك.

“The Qazaq Times”