ترامپ قىتاي دەلەگاتسياسىنىڭ جەتەكشىسىن قابىلدادى. فوتو: WSJ.

كەشە وتكەن اقش پەن قىتاي وكىلدەرىنىڭ ساۋدا كەلىسسوزى اياقتالعاننان كەيىن، ەكى تاراپ تا قانداي دا ءبىر جاڭا سەرپىلىس تۋرالى مالىمدەمە جاسامادى. اق ءۇيدىڭ ءباسپاسوز قىزمەتىنىڭ ايتىمىندا، تاراپتار بۇگىن كەلىسسوزدى جالعاستىرۋعا كەلىسىم بەرگەن. اق ءۇي تارابىنىڭ مالىمدەمەسىندە، اقش-تىڭ كەلىسسوز وكىلدەرى قىتايعا پرەزيدەنت ترامپتىڭ «ءادىل ساۋدا قارىم-قاتىناسىن ورناتۋ» تالابىن قايتالاي ۇسىنعالى وتىرعانى ايتىلدى. بۇل تۋرالى «WSJ» باسىلىمىنىڭ رەسمي سايتى حابارلادى.

قىتاي كوممۋنيستىك پارتياسى ساياسي بيۋروسىنىڭ مۇشەلەرى، قىتاي مەملەكەتتىك كەڭەسىنىڭ ۆيتسە-پرەمەرى ليۋ حى باسقارعان قىتايلىق دەلەگاتسيا بەيسەنبى كۇنى تاڭەرتەڭ، اقش قازىنا ءمينيسترى نۋچين باسقارعان دەلەگاتسياسىمەن ساۋدا كەلىسسوزدەرىنىڭ ەكىنشى اينالىمىن اشتى. اتالمىش كەلىسسوزدەگى اقش-تىڭ نەگىزگى ۇستانىمى –قىتايدىڭ اقش-قا ساۋدالىق ءپروفيتسيتىن ازايتۋ جانە زياتكەرلىك مەنشىك قۇقىقتارىن قورعاۋدى كۇشەيتۋ.

كەشە اقش پرەزيدەنتى دونالد ترامپ اق ۇيدە قىتاي ساۋدا دەلەگاتسياسىنىڭ جەتەكشىسى ءارى شي ءجينپيڭنىڭ (سي تسزينپين) ەكونوميكا جونىندەگى كەڭەسشىسى ليۋ حىنى قابىلدادى. كەلىسسوزدەر باستالعان كەزدە جاساعان ترامپتىڭ مالىمدەمەسىندە، سويلەسۋدىڭ ناتيجەلى بولاتىنىنا سەنە المايتىنىن، سەبەبى قىتاي ۇزاق جىلداردان بەرى «ءوزىمشىل ساۋدا ساياساتىنا» ۇيرەنگەنىن ايتقان.

ايتا كەتەيىك، قىتاي ساۋدا دەلەگاتسياسىمەن قاتار ترامپ اق ۇيدە ناتو باس حاتشىسى ستولتەنبەرگپەن دە كەزدەسۋ وتكىزۋدە.

“The Qazaq Times”