يران پرەزيدەنتى ليۆان ەلشىسىن قابىلدادى. فوتو: IRNA.

يراننىڭ مەملەكەتتىك تەلەارنالارىنىڭ حابارىنا قاراعاندا، پرەزيدەنت رۋحاني سول ەلدەگى ليۆاننىڭ جاڭا وكىلەتتى ەلشىسىن قابىلداعان. كەزدەسۋدە يران پرەزيدەنتى ليۆانمەن جان-جاقتى قارىم-قاتىناستاردى تەرەڭدەتەتىنىن مالىمدەگەن. بۇل تۋرالى IRNA اقپاراتتىق اگەنتتىگى حابارلادى.

قابىلداۋدا يران پرەزيدەنتى حاسان رۋحاني مەن حاسان ابباس ليۆاننىڭ وڭىردەگى ستراتەگيالىق سالماعى تۋرالى ورتاق پىكىرلەردى ورتاعا سالعان. يران باسشىسى ليۆاندى وڭىردەگى اسا ماڭىزدى ەل دەپ باعالاپ، الداعى ۋاقىتتا تەھران (تەگەران) مەن بەيرۋت اراسىنداعى جان-جاقتى قاتىناستى دامىتۋعا ءسوز بەرگەن.

يران تارابى يزرايل كۇشتەرىنىڭ شابۋىلدارىنا قارسى جانە ليۆانداعى تۇراقتىلىق پەن قاۋىپسىزدىكتى قامتاماسىز ەتۋگە بار كۇشىن سالاتىنىن جەتكىزگەن. بۇل الداعى ۋاقىتتا تەھران تارابىنىڭ ليۆاندا اسكەري قادامداردى ارتتىراتىنىن تۇسىندىرەدى.

“The Qazaq Times”