يزرايل مەن اقش-قا قارسى الەم ەلدەرىنىڭ نارازىلىعى كۇشەيدى

گازاداعى قارۋلى شابۋىلعا بايلانىستى، حالىقارالىق ساياسي ارەنادا ۇلكەن تولقۋ تۋىلدى. يزرايل قارۋلى كۇشتەرى گازاداعى پالەستينالىقتاردى شەكارانى بۇزىپ وتپەك بولدى دەپ ايىپتاعانىمەن، يزرايل تارابىنىڭ قارۋ قولدانۋىن ايىپتاعاندار كوپ بولدى.

ەڭ باتىل ايىپتاۋلاردىڭ باسىندا تۇركيا پرەزيدەنتى رەجەپ تايىپ ەردوعان بولدى. "انادولى" اقپاراتتىق اگەنتتىگىنىڭ حابارىنا قاراعاندا، پرەزيدەنت ەردوعان لوندونداعى رەسمي ساپارى كەزىندە، ۇلىبريتانيانىڭ باس ءۋازىرى (پرەمەر-ءمينيسترى) تەرەزا مەيمەن بىرگە ءباسپاسوز ءماجىلىسىن وتكىزدى. ەردوعان سوزىندە: «تاريح اقش-تى كەشىرمەيدى، ءيزرايلدى ءتىپتى دە كەشىرمەيدى، ءبىز ونى كورەتىن بولامىز. اقش بۇل ايماقتا ارا اعايىن ەمەس، ءوزى ءبىر تاراپ. گازاداعى 60 پالەستينالىقتىڭ قازا تابۋى مەن 2500 ادامنىڭ جاراقات الۋى سول ساياساتىنىڭ ناتيجەسى. مەن بۇل قىرعىنعا تاعى ءبىر رەت لاعنەت ايتامىن»، – دەدى.

فرانتسيا پرەزيدەنتى ەممانۋەل ماكرون پالەستينا باسشىسى ماحمۇد ابباس جانە يوردانيا كورولى ابدۋللاح ءىى-مەن تەلەفون ارقىلى سويلەسكەنىن مالىمدەدى. ول جانە نارازىلىق شەرۋىنە قاتىسۋشىلارعا قاراتا كۇش قولدانۋ ارەكەتىن ايىپتاپ، تاراپتاردى سابىرعا شاقىردى. پالەستينالىقتارعا كوڭىل ايتتى.

افريكا وداعى تارابىنان دا كۇشتى قارسىلىق پىكىرلەر بۇۇ-عا جولدانعان. افريكا وداعى كوميسسياسىنىڭ توراعاسى مۇسا فاكي مۇحاممەد پالەستينانىڭ ەگەمەندىگىن، استاناسى شىعىس يەرۋساليم ەكەنىن، مەملەكەت جولىنداعى پالەستينالىقتارمەن بىرگە ەكەنىن اتاپ ءوتتى.

“The Qazaq Times”