اقش پەن وزبەكستان پرەزيدەنتتەرى اق ۇيدە كەزدەستى. فوتو: PRESIDENT.UZ.

وزبەكستان پرەزيدەنتى شاۆكات ميرزيەەۆ اق ۇيدە اقش پرەزيدەنتى ترامپپەن كەزدەستى. رەسمي مالىمەتتەردە ايتىلعانداي، وزبەكستان پرەزيدەنتىنىڭ ۋاشينگتونداعى ەكى كۇندىك ساپارى اقش پرەزيدەنتىنىڭ ارنايى شاقىرۋىمەن بولعان.

بۇعان دەيىن پرەزيدەنت شاۆكات ميرزيەەۆ ترامپپەن نيۋ-يورك قالاسىنداعى بۇۇ باس اسسامبلەياسىندا كەزدەسكەن. ال، بۇل رەتكىسى وزبەك باسشىسىنىڭ ۋاشينگتوندا بولعان العاش رەتكى رەسمي ساپارى. بيلىككە كەلگەنىنە قىسقا عانا ۋاقىت بولسا دا ۋاشينگتون بيلىگىنىڭ رەسمي ساپارمەن شاقىرۋىن العانى سىرت ەلدەردىڭ نازارىن اۋدارۋدا.

رەسمي مالىمەتتەرگە سۇيەنسەك، وزبەك باسشىسى ترامپپەن كەزدەسۋدە ەكى ەل اراسىنداعى ىنتىماقتاستىق، ينۆەستيتسيا، ساۋدا بايلانىس جانە وڭىرلىك قاۋىپسىزدىك ماسەلەلەرىن كەڭەسپەك. كەزدەسۋگە باعا بەرگەن اق ءۇي باسشىسى ترامپ: «بۇل قۇراما شتات پەن وزبەكستان قارىم-قاتىناسىنىڭ جاڭا ءداۋىرىنىڭ باستالعانىن بىلدىرەدى»، – دەگەن ەكەن. ءارى ەكى باسشى بىرقاتار كەلىسىمدەرگە قول قويىسقان.

سىرتقى ەلدەردىڭ ساراپشىلارى وزبەكستان پرەزيدەنتىنىڭ ەلدەگى جاڭا رەفورمالارى تۋرالى تەك وڭ باعالارى ايتىلۋدا. ايتالىق، سىرتقى ساياساتتاعى قادامدارى وزبەكستاننىڭ كوپجاقتى دامۋىنا ۇلكەن سەرپىن بەرەدى دەپ قارايدى.

“The Qazaq Times”