تۇركيا اقش پەن يزرايلدەگى ەلشىلەرىن قايتارىپ الدى – دەپ حابارلايدى NTV اقپارات كوزى.

مامىر ايىنىڭ 14-ءى كۇنى تۇركيا پرەزيدەنتى رەجەپ تايىپ ەردوعان مالىمدەمە جاساعان. وندا ول: «ءبىز ۋاشينگتون مەن تەل-اۆيۆتەگى ەلشىلەرىمىزدى كەڭەس وتكىزۋ ماقساتىندا كەرى قايتارىپ الدىق. يزرايل ارمياسى مەن پالەستينالىقتار اراسىندا بولعان قاقتىعىسقا بايلانىستى مامىر ايىنىڭ 15-ءى تۇركيادا قارالى كۇن دەپ جاريالاندى. ءبىز يسلام ىنتىماقتاستىق ۇيىمى مەن بۇۇ قاۋىپسىزدىك كەڭەسىنىڭ وتىرىسىن وتكىزۋدى تالاپ ەتەمىز. قازىرگى ۋاقىتتا وسىعان بايلانىستى ءبىز كوپتەگەن كوشباسشىلارمەن كەلىسسوزدەر جۇرگىزىپ جاتىرمىز» - دەگەن.

ەستەرىڭىزگە سالايىق، يزرايل ارمياسى مەن پالەستينالىقتار اراسىنداعى قاقتىعىس اقش باس ەلشىلىگىن تەل-اۆيۆتەن يەرۋساليمگە كوشىرگەننەن كەيىن باستالعان. «ۇلكەن مارش» دەپ اتالاتىن قارسىلىق اكياسى بۇگىن اياقتالۋى ءتيىس.

“The Qazaq Times”