رەسەي مەن يران ءسىم باسشىلارى كەزدەستى. فوتو: IRNA.

يران اقپاراتتىق اگەنتتىكتەرىنىڭ بۇگىنگى حابارىنا قاراعاندا، يران مەن رەسەي سىرتقى ىستەر مينيسترلەرى باس قوسىپ، يران يادرولىق كەلىسىمى تۋرالى كوزقاراستارىن ناقتىلاي تۇسكەن. تاراپتار 2015 جىلى قول قويعان يادرولىق كەلىسىمدى ساقتاپ قالاتىنىن جەتكىزگەن. بۇل تۋرالى IRNA اقپاراتتىق اگەنتتىگىنىڭ رەسمي سايتى حابارلادى.

رەسەي سىرتقى ىستەر ءمينيسترى سەرگەي لاۆروۆ يران ءسىم باسشىسى جاۆاد ءزاريفتى قابىلداعان كەزدە، ماسكەۋ بيلىگى يران يادرولىق كەلىسىمىن ساقتاپ قالاتىنىن، ۇلىبريتانيا، گەرمانيا، فرانتسيا جانە قىتاي تارابى دا بۇنى قۋاتتايتىنىن جەتكىزدى. ول جانە يران يادرولىق كەلىسىمى تۋرالى اقش-تان وزگە ءتورت ەلمەن پىكىر بىرلىگىنە كەلگەنىن دە ايتىپ ءوتتى.

زاريف اتالعان كەزدەسۋدە، تەھران (تەگەران) تارابى  يادرولىق كەلىسىم بويىنشا اقش-تان تىس بەس ەلمەن تولىقتاي كەلىسىمدى ساقتاپ قالاتىنىن، بۇل ءۇشىن جەكە-جەكە كەلىسسوزدەر جۇرگىزۋگە تۋرا كەلەتىنىن ايتتى. ول سوزىندە: «الايدا، اقش ءۇشىن حالىقارالىق زاڭدار مەن قاعيدالاردى بۇزۋ قالىپتى ىسكە اينالىپ بارادى»، – دەدى.

“The Qazaq Times”