ميلليونداردى جىمقىرعان ۇرى ۇستالدى

وسىدان 2 جىل بۇرىن 23 ميلليون تەڭگەنى قالتاسىنا باسىپ، شەتەل اسىپ ۇلگەرگەن قايرات ورازبەكوۆ اقىرى قولعا ءتۇستى. حالىقارالىق قىلمىستىق پوليتسيا ۇيىمى ونى ۋكراينادا تۇتقىنداعان. قازىر كۇدىكتى قازاقستانعا ەكستراديتسيالاندى. بۇل تۋرالى باس پروكۋراتۋرا وكىلدەرى مالىمدەدى.

ورازبەكوۆكە استانا قالاسى ىشكى ىستەر دەپارتامەنتىنىڭ قىزمەتكەرلەرى ىزدەۋ سالعان ەدى. ول 2016 جىلى ۇيىمداسقان توپ قۇرىپ، 23 ميلليون تەڭگەنى جىمقىرىپ كەتكەن ەكەن. كوپ ۇزاماي سىبايلاستارىمەن بىرگە قازاقستاننان قاشىپ ۇلگەرگەن. وسىدان كەيىن، ەلىمىزدىڭ قۇزىرلى ورىن وكىلدەرى وعان حالىقارالىق ىزدەۋ جاريالادى. قازىر كۇدىكتى استاناداعى تەرگەۋ يزولياتورىنا قامالدى.

“The Qazaq Times”