فوتو: www.akorda.kz

قازاقستاندا 15 مامىر كۇنى جالپىۇلتتىق اتا-انالار جينالىسى، ال 1 ماۋسىمدا بالالار مەن جاستار وركەسترىنىڭ شەرۋى وتەدى. بۇل تۋرالى استاناداعى ءباسپاسوز جيىنىندا ءبىلىم جانە عىلىمي ءمينيسترى ەرلان ساعاديەۆ مالىمدەدى.

«ۇستازدار اتا-انالاردىڭ مەكتەپ جۇمىستارىنا ارالاسۋعا قۇلىقسىز ەكەنىن ايتۋدا. بۇعان اتا-انالار جينالىسىنا ولاردىڭ بار-جوعى 10-20%-ى عانا كەلەتىنى دالەل بولا الادى. وتكەن جىلى ۇيىمداستىرىلعان وسىنداي جينالىسقا ولاردىڭ 80 %-ى كەلدى. سول كۇنى جۇمىس بەرۋشىلەرگە مەكتەپ جاسىنداعى بالالارى قىزمەتكەرلەرىن جۇمىستان ەرتەرەك بوساتۋ تالاپ ەتىلگەن ەدى»، - دەدى مينيستر.

سونىمەن قاتار، ونىڭ ايتۋىنشا، 1 ماۋسىم حالىقارالىق بالالاردى قورعاۋ كۇنى رەسپۋبليكالىق دەڭگەيدە بالالار مەن جاستاردىڭ وركەسترى مەن ءانسامبلى وتەدى. "بۇل جىلى شەرۋدى بۇرىنعىدان دا كولەمدى ەتىپ وتكىزەمىز. ەلدىڭ بارلىق ەلدى مەكەندەرىندە سالتاناتتى شەرۋ وتكىزۋ جوسپارلانۋدا" - دەدى ە.ساعاديەۆ.

“The Qazaq Times”