فوتو: Vesti.kz

تيمۋر قۇلىباەۆ رەسەيدىڭ «ۆىسوتسكي» پورتىن ساتىپ الدى.

ءساۋىر ايىنىڭ 28-ءى كۇنى رەسەي مونوپولياعا قارسى فەدەرالدى قىزمەتىنىڭ باسشىسى يگور ارتەمەۆ قازاقستاندىق ميللياردەر تيمۋر قۇلىباەۆتىڭ لەنينگراد وبلىسىنداعى «ۆىسوتسكي» كومىر تاسىمالداۋ  پورتىن ساتىپ العاندىعى جونىندە مالىمدەدى. بىراق ارتەمەۆ مىرزا قۇلىباەۆتىڭ اتالمىش پورتتى قانشاعا ساتىپ العاندىعى جونىندە ەشقانداي مالىمەت تاراتپادى.

مامىر ايىنىڭ 10-ى كۇنى رف تابيعي مونوپوليا پروبلەمالارى ينستيتۋتىنىڭ ديرەكتورى يۋري سااكيان «ۆىسوتسكي» پورتىنا قاتىستى زەرتتەۋ جۇمىستارىنىڭ قورىتىندىسىن جاريالادى. سااكياننىڭ سوزىنشە، رەسەي پورتتارى جەرگىلىكتى كومپانيالاردىڭ مۇدەلەرىنە سايكەس دامىپ جاتىر جانە قازاقستاندىق كومپانيالار رەسەي پورتتارىن ينۆەستيتسيا قۇيۋ ناتيجەسىندە عانا ساتىپ الا الادى.

يۋري سااكياننىڭ مالىمدەمەسىنەن كەيىن رەسەيلىك ساراپشىلار قازاقستان مەن رەسەي جوعارى ەليتالارى اراسىندا وزىندىك كەلىسىم بار ەكەندىگىن ايتۋدا. ولار بۇعان تيمۋر قۇلىباەۆتىڭ پرەزيدەنت نۇرسۇلتان نازارباەۆتىڭ كۇيەۋ بالاسى ەكەندىگىن دالەل رەتىندە كەلتىرۋدە.

“The Qazaq Times”