ترامپ سولتۇستىك كورەيا باسشىسىمەن قايدا، قاشان كەزدەسەتىنىن ايتتى

الەم ەلدەرى كوز تىككەن ترامپ-كيم كەلىسسوزىنىڭ ۋاقىتى مەن ورنى تۇراقتاندى. اقش پرەزيدەنتى دونالد ترامپتىڭ مالىمدەمەسىنە سايكەس، كەزدەسۋدىڭ 12 ماۋسىم كۇنى سينگاپۋردا وتەتىنى بەلگىلى بولدى. بۇل تۋرالى The Wall Street Journal باسىلىمى حابارلادى.

اقش پرەزيدەنتى ترامپتىڭ كەشە تۆيتتەردە جاساعان مالىمدەمەسىندە، 12 ماۋسىمدا سينگاپۋردە سولتۇستىك كورەيا باسشىسىمەن كەزدەسەتىنىن ايتتى. ول تۆيتتەر پاراقشاسىندا: «ءبىز بۇكىل الەمنىڭ بەيبىتشىلىگى ءۇشىن ەرەكشە ءساتتى جاساۋعا تىرىسامىز»، – دەدى.

اقش پرەزيدەنتى اتالعان مالىمدەمەسىنە قوسا، سولتۇستىك كورەيادا قامالعان امەريكالىق ءۇش ازاماتتىڭ كوپ ۇزاماي ەلىنە ورالاتىنىن دا ايتا كەتتى.

“The Qazaq Times”