جاپونيانىڭ باس ءۋازىرى ەۆرەي جۇرتىندا. فوتو: انادولى.

جاپونيانىڭ باس ءۋازىرى (پرەمەر-ءمينيسترى) شينزو ابە (سيندزو ابە)  شىعىس تۋرى اياسىندا يزرايل جۇرتىندا ساپاردا بولدى. ونىڭ يزرايل پرەمەر-ءمينيسترى بەنيامين نەتانياحۋ ارنايى كۇتىپ الدى. ەكى ەل باسشىسى يزرايل مەن جاپونيا اراسىنداعى قارىم-قاتىناستارمەن قوسا، وڭىرلىك ماسەلەلەر توڭىرەگىندە دە سويلەستى. بۇل تۋرالى «People» باسىلىمى حابارلادى.

يزرايل پرەمەر-ءمينيسترى كەزدەسۋدە يراننىڭ التى ەل قول قويعان يادرولىق كەلىسىمگە ادال بولماعانىن العا تارتتى. ول يران رەجيمى يادرولىق باعدارلامانى جاسىرىن جۇزەگە اسىرىپ جاتقانىن قايتالادى.

كەزدەسۋ كەزىندە بەنيامين نەتانياحۋ: «يران ءوزىنىڭ يادرولىق باعدارلامالارىن تابىستى تۇردە ساقتاپ كەلدى. التى ەل قول قويعان كەلىسىم يران رەجيمىنىڭ وتىرىكتەرى مەن جالعان اقپاراتىنا نەگىزدەلگەن ناشار كەلىسىم بولىپ قالدى»، – دەدى.

وسى اپتانىڭ باس شەنىندە يزرايل تارابى سول ەلدىڭ بارلاۋ اگەنتتىگى جيناعان اقپاراتتاردى جاريا ەتىپ، يران تارابىنىڭ جاسىرىن تۇردە يادرولىق باعدارلامانى جۇزەگە اسىرىپ جاتقانىن مالىمدەگەن بولاتىن.

“The Qazaq Times”