اقش يران يادرولىق كەلىسىمىن رەسمي تۇردە بۇزدى

اقش مەملەكەتتىك حاتشىسىنىڭ يران ماسەلەسى تۋرالى مالىمدەمەسىمەن قاتار، اق ءۇي تاراپى دا رەسمي مالىمدەمە تاراتىپ، «يران رەجيمىنىڭ جاسىرىن تۇردە يادرولىق باعدارلامانى جۇزەگە اسىرىپ جاتقانى تۋرالى دالەلدەر بار» ەكەنىن ايتتى. بۇل تۋرالى VOA اقپاراتتىق سايتى حابارلادى.

اق ءۇيدىڭ اتالعان مالىمدەمەسىندە: «يراننىڭ بەلسەندى يادرولىق قارۋ-جاراق باعدارلاماسى بار.  ولار الەمدى الجاستىرىپ، كوزىن كولەگەيلەۋگە تىرىسادى. بىراق، بۇل ماقساتى جۇزەگە اسپايدى»، – دەلىنگەن.

اق ءۇي ءباسپاسوز حاتشىسى سارا ساۋندەرس سەيسەنبى كۇنگى جۋرناليستەرگە جاساعان مالىمدەمەسىندە، يرانعا قاراتا ەسكەرتۋ جاساپ: «سەندەردىڭ جاساعان «قاتەلىكتەرىڭدى» تاپتىق جانە بۇعان تۇزەتۋ جاسايمىز. ءبىزدىڭ قازىرگى ارەكەتىمىز ەلىمىزدىڭ قاۋىپسىزدىگىن قامتاماسىز ەتۋگە باعىتتالعان»، – دەدى.

دۇيسەنبى كۇنى اق ءۇيدىڭ رەسمي سايتىندا جاريالانعان بايانداماسىندا دا   «يراننىڭ يادرولىق قارۋ-جاراق باعدارلاماسى بار» دەپ كورسەتىلدى. اق ءۇيدىڭ اتالعان مالىمدەمەلەرىنەن كەيىن، يران يادرولىق كەلىسىمى بۇزىلدى دەپ ساناۋعا  ابدەن بولادى.

“The Qazaq Times”