تۇركيانىڭ رەسەيدەن ساتىپ الاتىن قورعانىس جۇيەسى. فوتو: ينفوروس.

رەسەيدىڭ اسكەري قارۋ-جاراق ەكسپورتتاۋشى فيرماسى «روسوبورونەكسپورت» (Rosoboroneksport)تۇركياعا ساتىلاتىن S-400 زىمىران قورعانىس جۇيەسىنىڭ ءوندىرىسى باستالعانىن مالىمدەدى. بۇل تۋرالى تۇركيانىڭ «انادولى» اقپاراتتىق اگەنتتىگى حابارلادى.

اتالعان مالىمدەمەنى «روسوبورەنەكسپورتتىڭ» جەتەكشىسى الەكساندر ميحەەۆ «سپۋتنيك» اگەنتتىگىنە بەرگەن سۇحباتىندا مالىمدەدى. ول سوزىندە: «جوبا باستالىپ كەتتى. الدا بىرنەشە باسقىشقا بولىنگەن جۇمىس ءتارتىبىن ورىندايمىز. ءوزىمىزدىڭ جاۋاپكەرشىلىگىمىزدى تولىعىمەن ورىنداپ شىعامىز»، – دەگەن.

وسىدان بۇرىن رەسەيدىڭ اسكەري ونەركاسىپ كومپانياسىنىڭ توراعاسى سەرگەي چەمەزوۆ  تۇركيا رەسەيلىك S-400 زىمىران قورعانىس جۇيەسىنەن 4 داناسىن 2,5 ملرد اقش دوللارىنا ساتىپ الاتىنىن مالىمدەگەن ەدى. ەستەرىڭىزدە بولسا، تۇركيانىڭ رەسەيلىك قورعانىس جۇيەسىن ساتىپ الۋى ناتو مۇشەلەرى اراسىندا نارازىلىق تۋدىرعان بولاتىن.

“The Qazaq Times”