جانكەشتى جارىلىس جاساعان ورىن. فوتو: انادولى.

پاكىستان مەن اۋعانستان شەكاراسىنا ورنالاسقان كۋەتتا قالاسىندا پوليتسيا قىزمەتكەرلەرىنە جانكەشتى شابۋىل بولىپ، 5 پوليتسەي قازا تاۋىپ، 7 ادام جاراقات الدى. بۇل تۋرالى «انادولى» اقپاراتتىق اگەنتتىگى حابارلادى.

كۋەتتا قالاسى پاكىستاننىڭ بەلۋجيستان اۆتونوميالى ايماعىنىڭ ورتالىق قالاسى. پوليتسيا تاراۋلارىنىڭ الدىن الا بەرگەن مالىمەتىندە، كۋەتتا قالاسىنداعى شابۋىلمەن قاتار سول ايماقتىڭ ميان-گۋندي جەرىندە دە شەكارا قورعاۋشىلارعا قارۋلى شابۋىل جاسالعان. شەكارا قورعاۋشى كۇشتەر شابۋىل جاساۋشى ەكى ادامدى اتىپ ولتىرگەن. گۋەتتاداعى جانكەشتى شابۋىلىنان 5 پوليتسەي قازا تاپقان. مالىمەتكە قاراعاندا قازا بولعاندار سانى ارتۋى مۇمكىن.

قازىر گۋەتتا قالاسى قاۋىپسىزدىك كۇشتەرى جاعىنان باقىلاۋعا الىندى. اتالعان ايماقتا ءبىر ايدىڭ ىشىندە حريستيان شىركەۋىنە جانە قاۋىپسىزدىك قىزمەتكەرلەرىنە بىرنەشە رەت قارۋلى شابۋىل جاسادى.

“The Qazaq Times”