قىتاي تەڭىز كۇشتەرى تايۋانعا ەسكەرتۋ رەتىندە اسكەري-وقۋ جاتتىعۋ وتكىزدى

قىتايدىڭ اسكەري-تەڭىز كۇشتەرى تايۋان (تايۆان) بۇعازىندا اۋقىمدى اسكەري وقۋ-جاتتىعۋ وتكىزدى. قىتايدىڭ تايۋان بۇعازىنداعى اسكەري جاتتىعۋىلارىنىڭ الدىنعى سەرياسى 2016 جىلى بولىپ وتكەن ەدى. بۇل تۋرالى «شينلاڭ» اقپاراتتىق سايتى حابارلادى.

قىتاي مەملەكەتتىك تەلەارناسىنىڭ، «شينحۋا» مەملەكەتتىك اقپارات اگەنتتىگىنىڭ تاراتقان حابارلارىنا، بۇل اسكەري جاتتىعۋدىڭ ماقساتى تايۋاننىڭ تاۋەلسىزدىگىن قولداۋشى تاراپتارعا ەسكەرتۋ جاساۋ.

H-6K جانە "Jian-11 شابۋىلشى ۇشاقتارى. فوتو: شينلاڭ.

قىتاي قورعانىس مينيسترلىگىنىڭ حابارىندا، كەزەكتى وقۋ-جاتتىعۋعا H-6K بومبالاۋشى ۇشاعى قاتىساتىنىن، وعان ەكى بىردەي AKD-20 الىس ارالىقتاعى زىمىران ورناتىلعانى ءمالىم بولعان.  H-6K بومبالاۋشى ۇشاعى ءتورت شابۋىلشى سوعىس ۇشاقتارىنىڭ قورعاۋىندا باتىس تىنىق مۇحيتىن كەسىپ ءوتىپ، تايۋان كەڭىستىگىنە جاقىنداعان. بۇل جاپونيا قورعانىس تاراۋلارىنىڭ نارازىلىعى مەن الاڭداۋشىلىعىن تۋدىردى.

قىتايدىڭ فۋجيان وڭتۇستىك تەڭىز قاۋىپسىزدىگى باس شتابى 11 ءساۋىر كۇنى بۇل اۋقىمدى وقۋ-جاتتىعۋ تۋرالى حابارلاپ، وقۋ-جاتتىعۋدا كادىمگى شىن وقتۇمسىقتار مەن زىمىراندار پايدالاناتىنىن ايتقان ەدى.

“The Qazaq Times”