ناتو ۇيىمى اقش-تى سوڭىنا دەيىن قولداۋعا دايىن

اپتا سوڭىندا بريۋسسەلدەگى ناتو-نىڭ كەزەكتەن تىس جينالىسى ءوتتى. جينالىستا ۇيىمنىڭ باس حاتشىسى يەنس ستولتەنبەرگ ناتو ۇيىمى اقش باستاعان ەلدەردىڭ سۇرياداعى شابۋىلىن تولىق قولدايتىنىن جەتكىزدى. بۇل تۋرالى «شينلاڭ» اقپاراتتىق سايتى حابارلادى.

ناتو باس حاتشىسى اقش، ۇلىبريتانيا جانە فرانتسيا سىندى وداقتاستارىنىڭ سۇرياعا جاساعان اۋە شابۋىلىن جاقتادى ءارى بۇل ءسۇريا رەجيمىنىڭ حيميالىق شابۋىل جاساۋىنا پارمەندى جاۋاپ ەكەنىن العا تارتتى. ستولتەنبەرگ وسىدان بۇرىنعى مالىمدەمەسىندە، ناتو-نىڭ ءسۇريا ماسەلەسىندە اسكەري ارەكەتتەن باسقا شاراسى قالماعانىن ايتقان ەدى.

ناتو تارابى الداعى ۋاقىتتا دا اقش باستاعان ەلدەردىڭ سۇرياداعى بارلىق قادامدارىنا قولداۋ بىلدىرەتىنىن جەتكىزدى.

ەستەرىڭىزگە سالا كەتەيىك، 14 ءساۋىر كۇنى تاڭسارىدە اقش، ۇلىبريتانيا جانە فرانتسيا كۇشتەرى ءسۇريا ورتالىق قالاسىنا جانە باشار اساد رەجيمىنىڭ اسكەري وبەكتىلەرىنە باعىتتالعان زىمىران شابۋىلىن جاساعان بولاتىن. بۇل جانە دۋماداعى حيميالىق شابۋىلعا بەرگەن جاۋابى ەكەنىن ەسكەرتكەن. شابۋىلدا 100-دەن استام قاناتتى زىمىراندار اتىلعان. پەنتاگون مالىمەتىندە ءسۇريا كۇشتەرى جانە ونداعى رەسەي كۇشتەرى بۇل زىمىراندارعا قارسى ەشبىر ارەكەت جاساي الماعان.

“The Qazaq Times”