پاكىستاننىڭ بۇرىنعى پرەمەرى مەملەكەتتىك قىزمەتتەن ءومىر بويى شەتتەتىلدى

بىلتىر مىندەتىنەن الىنعان پاكىستاننىڭ پرەمەر-ءمينيسترى ناۆاز شاريفتىڭ ءومىر بويى مەملەكەتتىك قىزمەت پەن ساياساتقا ارالاسۋىنا تىيىم سالىندى. بۇل تۋرالى IRNA اقپاراتتىق اگەنتتىگى حابارلادى.

پاكىستاننىڭ كونستيتۋتسيالىق سوتىنىڭ 5 بىردەي تورەشىسى، ەل كونستيتۋتسياسىنىڭ 62-ءشى بابىنا سايكەس ۇكىم شىعارىپ، بۇرىنعى پرەمەر-ءمينيستردىڭ ۇلكەن ساياسات پەن مەملەكەتتىك قىزمەتكە ارالاسۋىنا شەكتەۋ قويدى. ۇكىمدە بۇعان قوسا تاحريكي ينساف پارتياسىنىڭ جەتەكشىسى جيھانگير تارينگە دە وسىعان ۇقساس شەكتەۋ قويدى.

ەلدىڭ كونستيتۋتسيالىق سوتى بىلتىر 28 شىلدە كۇنى جەمقورلىق جانە قىزمەت قۇقىعىن پايدالانىپ، وتباسى مۇشەلەرىنە قولداۋ كورسەتتى دەگەن ايىپپەن ناۆاز ءشاريفتىڭ پرەمەر-مينيسترلىك قىزمەتىن توقتاتقان بولاتىن.

“The Qazaq Times”