اقش-تىڭ سوعىس كەمەلەرى جەرورتا تەڭىزمەن سۇرياعا جاقىندادى

اقش اۋە كۇشتەرىنىڭ حابارىنا قاراعاندا، ااك-گە  قاراستى يادرولىق شابۋىل جاساۋعا قولدانىلاتىن E-4B Nightwatch اتتى ۇشاعى كەڭىستىككە كوتەرىلگەن. بۇل ۇشاق كەڭىستىكتە جانارماي تولىقتاپ، توقتاۋسىز ءبىر اپتا ۇشۋعا قابىلەتتى. بۇل تۋرالى «انادولى» اقپاراتتىق اگەنتتىگى حابارلادى.

E-4B Nightwatch ۇشاعىن «اقىرزامان ۇشاعى» دەپ تە اتايدى. اسكەري-اۋە كۇشتەرىنە قاراستى «Boeing 747-200» ۇشاعىنان وزگەرتىپ جاسالعان. ونىڭ جابدىقتالۋى تولىقتاي يادرولىق شابۋىل جاساۋعا نەگىزدەلگەن جانە ۇشاق يادرولىق جارىلىس اسەرىنە بارىنشا از ۇشىرايدى. اقش اۋە كۇشتەرى اتالعان ۇشاقتىڭ ناقتى مىندەتى تۋرالى تولىق مالىمەت بەرمەگەن. E-4B Nightwatch كەيدە اقش پرەزيدەنتتىنىڭ شەتەل ساپارلارىنا دا بىرگە ۇشادى.

بۇدان تىس اقش-تىڭ جەر-ورتا تەڭىزىنە باعىتتاعان ۇشاق تاسىمالداۋشى جانە وزگە دە سوعىس ۇشاقتارى ۆيردجينيا شتاتىنىڭ «نورفولك» تەڭىز بازاسىنان جولعا شىققان.

حالىقارالىق اقپارات قۇرالدارى جاريالاعان حابارلاردا اقش-تىڭ مىڭداعان اسكەري قىزمەتكەرى وتباسىمەن قوشتاسىپ، مىندەتكە اتتانعان. اقش-تىڭ اتلانت مۇحيتىنداعى «FGS Hessen» فەرگاتى باستاعان وزىق سوعىس كەمەلەرى دە جەر ورتا تەڭىزىنە قاراي بەت العان.

ايتا كەتەيىك، ءسۇريانىڭ دۋما اۋدانىنداعى حيميالىق شابۋىلدان كەيىن، اقش پرەزيدەنتى سۇرياعا اسكەر شابۋىل جاسايتىنىن مالىمدەگەن بولاتىن.

“The Qazaq Times”