جاتتىعۋعا ارنالعان ت-45 ۇشاعى. فوتو: Wikimedia Commons.

 

ءبىر كۇن بۇرىن، كەيبىر ەلدەردىڭ اقپارات اگەنتتىكتەرى تەننەسي شتاتىندا اقش-تىڭ اسكەري-تەڭىز فلوتىنىڭ ءبىر جاتتىعۋ ۇشاعى اپاتقا ۇشىراعان دەگەن حابار تاراتتى. اقش تەڭىز-اۋە كۇشتەرىنىڭ مالىمەتىندە بۇل وقيعا ءالى دە تەكسەرىلۋ ۇستىندە ەكەنى ايتىلعان. دەگەنمەن، قىتاي اقپارات قۇرالدارىنىڭ حابارىندا اتالعان جاتتىعۋ ۇشاعى شابۋىلعا ۇشىراعان بولۋى مۇمكىن دەلىنگەن.

«شينحۋا» اگەنتتىنىڭ سايتىندا جازىلۋىنشا، وقيعا تۋرالى اقش تەڭىز فلوتى مەريدياننىڭ ميسسيسيپيدەگى اسكەري دايىندىق بازاسىندا مالىمەت الىپ تاراتقان. وندا ءبىر ۇشاق اقش جەرگىلىكتى ۋاقىتىمەن جەكسەنبى كۇنى كەشتە ءبىر جاتتىعۋ ۇشاعىنىڭ "چەرنوكي" ۇلتتىق ورمانىنا قۇلاعانى تۋرالى ايتىلعان.

اسكەري-تەڭىز اۆياتسياسىنىڭ وقۋ بازاسىنىڭ قوعامدىق ءبولىمىنىڭ مالىمدەمەسىندە، اسكەري-تەڭىز اۆياتسياسىنىڭ ءبىرىنشى اسكەري دايىندىق بولىمىنە تيەسىلى T-45 جاتتىعۋ ۇشاعى ەكەنىن راستادى. سونىمەن بەرىگە ۇشاقتا ەكى ۇشقىشتىڭ بولعانىن دا مالىمدەگەن. ونىڭ ءبىرى جاتتىعۋ ۇستىندەگى ۇشقىش، ال ەندى ءبىرى اسكەري جاتتىقتىرۋشى.

اقش اسكەري تەڭىز-اۆياتسيا كۇشتەرى ۇشاقتىڭ قۇلاۋ سەبەبىن اشىپ ايتپاعان. الايدا، شەتەلدىك كەيبىر اقپارات قۇرالدارى جاتتىعۋ ۇشاعىنىڭ شابۋىلعا ۇشىراعان بولۋى مۇمكىن دەپ قارايدى. ءارى بۇعان حاكەرلىك نەمەسە درون ارقىلى شابۋىلداۋدىڭ مۇمكىندىگى جوعارى ەكەنىن العا تارتۋدا. ەستەرىڭىزگە سالا كەتەيىك، جاز ايلارىندا تىنىق مۇحيتىندا مۇناي تاسۋشى كەمەلەرمەن سوقتىعىسىپ قالعان امەريكالىق سوعىس كەمەلەرىنىڭ وقيعاسىنا جەلىلىك شابۋىلدار سەبەپ بولدى دەگەن مالىمەتتەر تاراتىلعان ەدى.

“The Qazaq Times”