بۇل تۋرالى جۋرناليستەرگە جاساعان مالىمدەمەسىندە قازاقستان رەسپۋبليكاسى قورعانىس ءمينيسترىنىڭ ورىنباسارى تالعات مۇحتاروۆ حابارلاعان. ونىڭ ايتۋىنشا، قازىرگى ۋاقىتتا مينيسترلىك وسىعان بايلانىستى دايىندىق جۇمىستارىن جۇرگىزۋدە.

«كۇزگە قاراي روتانى جىبەرەتىن بولامىز. شامامەن 120 ادام جىبەرەمىز. قاي جەرگە جىبەرەتىنىمىزدى الدىن الا ايتار بولساق، ول — ليۆان» ، - دەدى. ت.مۇحتاروۆتىڭ سوزىنشە، قازاقستان بۇعان دەيىن تۇتاس روتانى ەمەس، جەكەلەگەن وفيتسەرلەردى جىبەرگەن. ونىڭ سەبەبى، ەلىمىزدە بىتىمگەرلىك ءىس تۋرالى زاڭ بولماعان. «ەندى زاڭ قابىلداندى. دايىندىق ءجۇرىپ جاتىر. بۇۇ-مەن تىعىز جۇمىس ىستەۋدەمىز. ءوزىم ليۆاندا بولدىم، ءبارىن ءوز كوزىممەن كورىپ قايتتىم. بۇل الىمدىك قولداۋعا يە بىتىمگەرلىك مىندەت» ، - دەدى، ت.مۇحتاروۆ.

“The Qazaq Times”