كيم جوڭ ۋن ترامپپەن كەزدەسۋگە دايىن. فوتو: news.jtbc.joins.com.

اقش لاۋازىمدىلارىنىڭ ءبىرى جەكسەنبى كۇنى سول ەلدەگى باق-قا بەرگەن حابارىنا قاراعاندا، سولتۇستىك كورەيا باسشىسى اقش-پەن يادرولىق قارۋدان باس تارتۋ تۋرالى كەلىسسوز جۇرگىزۋگە دايىندالىپ بولعانىن جەتكىزگەن. بۇل كحدر باسشىسى وتكەن ايدا اقش پرەزيدەنتىمەن كەزدەسۋ تۋرالى حابارلاعاننان كەيىن، العاش رەت كەلىسسوز كەزدەسۋىنە دايىن ەكەنىن ءبىلدىرۋى. «شينحۋا» اقپاراتتىق اگەنتتىگى حابارلادى.

وتكەن ايدا ترامپتىڭ بۇل كەزدەسۋ تۋرالى جاساعان مالىمدەمەسىندە، سولتۇستىك كورەيا باسشىسىمەن مامىر ايىندا كەزدەسۋگە كەلىسكەنىن ايتقان ەدى. دەگەنمەن، كەلىسسوز مازمۇنى، كەزدەسۋدىڭ كۇن ءتارتىبى مەن قاتىساتىن لاۋازىمدىلار تۋرالى ەگجەي-تەگجەيلى مالىمەت ءالى كۇنگە دەيىن تاراتىلمادى.

الايدا، اقپارات كوزدەرىنىڭ مالىمدەۋىنشە، ۋاشينگتون (ۆاشينگتون) مەن پيوڭياڭ (پحەنيان) اراسىندا قازىردىڭ وزىندە قۇپيا بايلانىس ورناتىلعان.

ترامپ ءوزىنىڭ بۇعان قاتىستى مالىمدەمەلەرىندە تەك كورەي تۇبەگىنىڭ يادرولىق قارۋسىزدانۋىنا شاقىرىپ كەلەدى. سولتۇستىك كورەيا تارابى سانكتسيالاردىڭ جەڭىلدەۋى ءۇشىن يادرولىق باعدارلامالارىن توقتاتۋعا ۋادە بەرگەن. بىراق، بۇل ۋادە وسىعان دەيىن دە ورىندالماي كەلگەن بولاتىن.