موڭعوليا پرەزيدەنتى حالماگاين باتتۋلگا تۇركيا پرەمەر ءمينيسترىن قابىلدادى. فوتو: CAAK NEWS.

موڭعوليانىڭ پرەمەر-ءمينيسترى ۋ. حۇرەلسەحتىڭ شاقىرتۋىمەن تۇركيا رەسپۋبليكاسىنىڭ پرەمەر-ءمينيسترى بينالي يىلدىرىم موڭعوليا رەسمي ساپارمەن باردى.   تۇركيا ۇكىمەت باسشىسىن "شىڭعىس حان" اۋەجايىندا سىرتقى ىستەر ءمينيسترى د.تسوگتبااتار مەن تۇركياداعى موڭعوليا ەلشىسى ر. بولد كۇتىپ الدى. پرەمەر-مينيستر ۋ. حۇرەلسەح تۇركيا پرەمەر-مينيسترىمەن  كەزدەسۋ وتكىزىپ، ەكى ەلدىڭ قارىم قاتىناس جانە دە باسقا ماسەلەلەردى تالقىلادى. بۇل تۋرالى موڭعوليانىڭ "CAAK" اگەنتتىگى حابارلادى. 

كەزدەسۋ بارىسىندا تۇركيانىڭ مونگوليامەن بولعان ساۋدا كولەمىنىڭ از ەكەنىن بىلدىرگەن يىلدىرىم «30 ميلليون دوللار ساۋدا كولەمىن قىسقا مەرزىم ىشىندە 300 ميلليون دوللارعا جەتكىزۋىمىز كەرەك» دەدى. الدىمىزداعى جىلى ەكى ەل اراسىنداعى ديپلوماتيالىق قارىم-قاتىناستارىنىڭ 50 جىلدىعى ەكەنىن تۇسىندىرگەن پرەمەر-مينيستر يىلدىرىم، ەكى ەل ساۋدا كولەمىنىڭ 10 ەسەگە ارتتىرۋ كەرەكتىگىن اتاپ ءوتتى. وسىدان كەيىن ۇكىمەت باسشىلارى ەكى ەل اراسىنداعى بىرقاتار كەلىسىمدەرگە  قول قويۋ راسىمىنە قاتىستى. بۇل رەت تۇركيا مەن مونگوليا اراسىندا 7 جاڭا كەلىسىم جاسالدى.

موڭعوليا ساپارى بارىسىندا بينالي يىلدىرىم  موڭعوليا پرەزيدەنتى ح. باتتۋلگا جانە ءماجىلىس توراعاسى م. ەنحبولددار مەن دە جولىقتى.

يىلدىرىم مونگوليا عىلىمدار اكادەمياسىن زيارات ەتىپ، بۇل جەردە تۇرىك ىنتىماقتاستىق جانە ۇيلەستىرۋ اگەنتتىگى تيكا-نىڭ مونعولياداعى جوبالارىنىڭ اشىلۋ راسىمىنە قاتىسادى. بينالي يىلدىرىمنىڭ مونعوليا ساپارىنا پرەمەردىڭ ورىنباسارى حاكان چاۆۋشوعلۇ، مادەنيەت جانە تۋريزم ءمينيسترى نۋمان كۋرتۋلمۋش، قاتىناس، تەڭىز جانە كوممۋنيكاتسيا ءمينيسترى احمەت ارسان قاتارلى بىرقاتار ۇكىمەت لاۋازىمدىلارى ەرىپ بارعان.

تۇلپار جانىبەك

“The Qazaq Times”