وڭتۇستىك كورەيانىڭ كوركەمونەرشىلەر توبى. فوتو: XLang7.

وڭتۇستىك كورەيانىڭ كوركەمونەر توبى سولتۇستىك كورەيانىڭ ورتالىق قالاسى پيوڭياڭدا (پحەنيان) العاش رەت سپەكتاكل قويدى. بۇل ەكى كورەيا اراسىنداعى مادەني بايلانىستاردىڭ ەڭ ءبىر بيىك دەڭگەيگە جەتكەنى. قويىلىمدى سولتۇستىك كورەيا باسشىسى كيم جوڭ ۋن (Kim Jong Un/كيم چەن ىن) جانە بىرقاتار ۇكىمەت لاۋازىمدىلارى كورگەن. بۇل تۋرالى «شينلاڭ» اقپاراتتىق سايتى حابارلادى.

بۇل كيم جوڭ ۋننىڭ العاش رەت وڭتۇستىك كورەيا كوركەمونەر وكىلدەرىمەن كەزدەسۋى. ول قويىلىمنان كەيىن وڭتۇستىك كورەيالىق كوركەمونەر وكىلدەرىمەن كەزدەسىپ، قويىلىمعا وڭ باعاسىن بەرگەن. ەكى كورەيا اراسىنداعى جوعارى دەڭگەيدەگى قارىم-قاتىناستىڭ بىرتىندەپ جاقسارۋىنا ەكى ەلدىڭ كوركەمونەر ۇيىرمەلەرى دە ىقپال ەتتى. پيوڭچاڭ قىسقى وليمپياداسىندا سولتۇستىك كورەيا كوركەمونەر توبى ارنايى قاتىستى جانە وڭتۇستىك كورەيا پرەزيدەنتى ءمۇن جاينمەن كەزدەسكەن بولاتىن.

وسى ايدىڭ سوڭىندا ەكى كورەيا باسشىلارى تاريحي كەزدەسۋ وتكىزەدى. بۇل كورەي تۇبەگى قايشىلىعىنىڭ شەشىم تابۋ نۇكتەسى بولادى دەپ كۇتىلۋدە.

“The Qazaq Times”