فوتو: worldbulletin.net

تۇركيا پرەزيدەنتى رەجەپ تايىپ ەردوعان، رەسەي باسشىسى ۆلاديمير پۋتين جانە يران پرەزيدەنتى حاسان رۋحاني ءسۇريا ماسەلەسى ءۇشىن انكارادا ءبىر مامىلەگە كەلمەك.

ءساۋىردىڭ 4-ءشى جۇلدىزىندا وتەتىن ءسۇريا سامميتىنە پۋتين ءبىر كۇن بۇرىن بارماق. ەكى ەل باسشىسىنىڭ جەكە كەزدەسۋلەرىنەن كەيىن تۇركيا-رەسەي جوعارى دەڭگەيلى ىنتىماقتاستىق كەڭەسىنىڭ جيىنى وتەدى. تۇركيا مەن رەسەي اراسىنداعى قارىم-قاتىناس جان-جاقتى تالقىلانادى دەپ كۇتىلگەن وسى جيىندا سۇرياداعى سوڭعى وقيعالار دا كۇن تارتىبىنە شىعارىلماق.

ال 4-ءساۋىر كۇنى وتەتىن جيىنعا يران پرەزيدەنتى حاسان رۋحاني دا قاتىسپاق. ءۇش ەل باسشىلارى سۇرياداعى قاقتىعىس جاعدايىنا نۇكتە قويۋ ءۇشىن جانە جاعدايدى تۇراقتاندىرۋ ماسەلەسىنە قاتىستى جول كارتاسىن تالقىلاماق.

“The Qazaq Times”