ورتالىق افريكا رەسپۋبليكاسىنىڭ (وار) 650 بوسقىنى كونگو رەسپۋبليكاسىنان ءوز ەرىكتەرىمەن قايتا باستاعان. بۇۇ-نىڭ بوسقىندار ىستەرى جونىندەگى جوعارى كوميسسارى باسقارماسى بوسقىنداردىڭ وار-دىڭ وڭتۇستىك-باتىسىنداعى مونگۋمبا قالاسىنا ورنالاستىرىلعانىن مالىمدەگەن. بۇل تۋرالى www.dw.com اگەنتتىگى بۇۇ-نىڭ رەسمي اقپاراتىنا سۇيەنىپ حابارلاۋدا.
ورتالىق افريكانىڭ قوعامدىق قاۋىپسىزدىك جونىندەگى ءمينيسترى گەنري ۋانزەت ءباسپاسوز وكىلدەرىنە بەرگەن سۇحباتىندا: "وتانداستارىمىزدىڭ كەرى ورالۋى ەلدە بەيبىتشىلىك پەن قاۋىپسىزدىكتىڭ ورناي باستاعانىنىڭ كورىنىسى" ، - دەپ، بۇدان كەيىن دە شەت ەلدەردەگى قانداستارىن وتاندارىنا قايتارۋدى قولعا الاتىنىن ايتتى.
ورتالىق افريكا رەسپۋبليكاسى كوپتەن بەرى انتيبالاكا حريستياندىق ۇيىمى مەن "سەلەكا" تەرروريستىك "مۇسىلمان" توبى اراسىنداعى قاقتىعىستاردىڭ ساحناسىنا اينالعان. ەلدەگى مۇسىلماندارعا باعىتتالعان كۇش كورسەتۋ وقيعالارى مينيستر ميشەل دجوتودانىڭ قاڭتار ايىندا قىزمەتىنەن بوساتىلۋىمەن جانە ونىڭ ورنىنا كاتەرين سامبونىڭ كەلۋىمەن شيەلەنىسە تۇسكەن. انتيبالاكا بەلسەندىلەرى مۇسىلمانداردى 2013 جىلدىڭ ناۋرىز ايىنان بەرى بيلىكتى ءوز قولىنا العان جانە كوبىنەسە حريستياندارعا باعىتتالعان كۇش كورسەتۋ وقيعالارىنا قاتىسى بار "سەلەكا" ۇيىمىنا قولداۋ كورسەتەدى دەپ كىنالاۋدا.
وسى اقپاراتقا قاتىستى بىرقاتار دەرەكتەردى ساراپتاپ، ستاتيستيكاعا كوز جۇگىرتەر بولساق، بۇۇ-نىڭ بوسقىندار ىستەرى جونىندەگى جوعارى كوميسسارى باسقارماسىنىڭ مالىمەتىنشە، وتكەن جىلدىڭ جەلتوقسان ايىنان بەرى 173 ادام كۇش كورسەتۋ وقيعالارىنا بايلانىستى ۇيلەرىن تاستاپ كەتۋگە ءماجبۇر بولعان. ولاردىڭ شامامەن 40 مىڭى كورشى ەلدەرگە باس ساۋعالاعان. سونىڭ ىشىندە كونگو رەسپۋبليكاسىندا شامامەن 33 مىڭ وار بوسقىنى بار ەكەن.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن