تۇركيا قارۋلى جاساقتارى. فوتو: بغداد بوس.

اپتا سوڭىندا، تۇركيانىڭ اسكەري-اۋە كۇشتەرى ەلدىڭ شىعىس شەكاراسىنا جاقىن امانوس تاۋلى ايماعىندا تەررورلىق توپقا قارسى قارۋلى اۋە شابۋىلىن جۇرگىزدى. قارۋلى كۇشتەردىڭ بەرگەن مالىمەتىنە قاراعاندا تەررورلىق ۇيىمنىڭ 6 مۇشەسى ءولتىرىلىپ، قارۋ-جاراقتارى تاركىلەنگەن. قولعا تۇسكەن قارۋ-جاراقتار اراسىندا زىمىراندار دا بار دەلىنگەن. بۇل تۋرالى «انادولى» اقپاراتتىق اگەنتتىگى حابارلادى.

تۇركيا قارۋلى كۇشتەرىنىڭ بۇل قارۋلى وپەراتسياسى PKK بولشەكتەۋشى تەررورلىق ۇيىمى دەپ اتالاتىن قارۋلى توپقا باعىتتالعان. الدىن الا تەرگەۋ-تەكسەرۋ ناتيجەسىندە امانوس تاۋلى ايماعىنداعى اۋىلدى جەرلەردە اتالعان ۇيىمنىڭ تۇراقتارى بار ەكەنى انىقتالعان.

PKK كۇشتەرىنىڭ جاسىرىن تۇراقتارى تۇركيا مەن ءسۇريا شەكاراسىنا جاقىن ماڭدا ورنالاسقانى، وندا قارۋلى توپ مۇشەلەرى بەلسەندى ارەكەت ەتىپ جاتقانى تۋرالى مالىمەتتەر بار.

“The Qazaq Times”