فوتو: Deutsche Welle

"Deutsche Welle" نەمىس سايتىنىڭ حابارلاۋىنشا، "Stuttgarter Zeitung" جانە "Stuttgarter Nachrichten" باسىلىىمدارىندا جاريالانعان اقپاراتتارعا سايكەس، 2016 جىلدان بۇگىنگە دەيىن تۇركيا گەرمانيا تەرريتورياسىندا تۇراتىن تۇرىك ازاماتتارىن كەرى قايتارۋ ءۇشىن بەرلين بيلىگىنە 115 رەت ءوتىنىش جاساعان.  

گەرمانيا ادىلەت مينيسترلىگى بەرگەن مالىمەتتەرگە نەگىزدەلگەن حاباردا، وسى 115 ءوتىنىشتىڭ 54-ءى تەررورلىق ىسكە قاتىستى. اتالعان حاباردا گەرمانيانىڭ 2015 جىلدان بۇرىن دا، ودان كەيىن دە تەرروريزمگە كۇدىكتى دەپ تابىلعان تۇركيا ازاماتتارىن وتاندارىنا دەپورتاتسيالاۋ ءوتىنىشىن قاناعاتتاندىرماعانى جازىلعان. ايتا كەتۋ كەرەك، تۇركيا بيلىگى شەت ەلدەردە قىزمەت ەتىپ جۇرگەن ءارى تەررورلىق ارەكەتكە قاتىسى بار دەگەن ازاماتتارىن وتاندارىنا قايتارۋدى كوپتەن قولعا العانى بەلگىلى. وعان اسىرەسە، 2016 جىلدىڭ 15 شىلدەسىندەگى توڭكەرىس ارەكەتى قاتتى ىقپال ەتكەنى بەلگىلى.

“The Qazaq Times”