وزبەكستاننىڭ يانگۋل اۋدانىندا مەكتەپ وقۋشىلارىنا اتا-انالارىنىڭ تابيعي گاز، ەلەكتر قۋاتى مەن سۋعا قارىزدارىن ءبىلىپ كەلۋدى تاپسىرعان. بۇل تۋرالى ورتا centralasian.org حابارلادى.

26 ناۋرىزدا بۇل اۋدانداعى ءاربىر مەكتەپتەگى 6-9 سىنىپ وقۋشىلارىنان ءۇش كۇننىڭ ىشىندە كوممۋنالدىق قىزمەتكە قاتىستى ساۋالنامانى تولتىراۋىن تالاپ ەتكەن. ونى ۋاقىتىلى وتكىزبەگەن وقۋشىلارعا "جامان باعا قويىلاتىنى" ەسكەرتىلگەن. وقۋشىلاردىڭ اتا-انالارى مەكتەپ باسشىلىعىنىڭ بۇل ارەكەتىنە نارازى بولىپ وتىر. "بۇعان مەكتەپتىڭ نە قاتىسى بار؟ ونىڭ ۇستىنە مۇعالىمدەر بالالاردى جامان باعا قويامىز دەپ قورقىتىپ قويعان", - دەدى اۋدان تۇرعىنى ناتاليا ۆەرچەنكو. يانگۋل اۋدانىنداعى ءبىر مەكتەپتىڭ ديرەكتورى مۇنداي تاپسىرما اۋدان اكىمدىگىنەن تۇسكەنىن ايتتى. باس پروكۋراتۋراعا قاراستى ءماجبۇرلى تۇردە ورىنداتۋ بيۋروسىنىڭ ءباسپاسوز قىزمەتى مۇنداي جاعدايدان حابارسىز ەكەنىن حابارلاعان.

“The Qazaq Times”