گەرمانيا قورعانىس ءمينيسترى اۋعانستانداعى نەمىس اسكەرلەرىمەن كەزدەستى. فوتو: merkur.de.

اۋعانستانعا ساپارلاي بارعان گەرمانيانىڭ قورعانىس ءمينيسترى ۋرسۋلا فون دەر ليايەن حانىم سول ەلدەگى نەمىس قارۋلى كۇشتەرىمەن كەزدەستى. ول ناتو-نىڭ بەلح پروۆينتسياسىنداعى اسكەري بازاسىندا جاۋىنگەرلەرمەن كەزدەسۋ وتكىزدى. بۇل تۋرالى «شينلاڭ» اقپاراتتىق سايتى حابارلادى.

ۋرسۋلا فون دەر ليايەن مازاري شاريف قالاسىنداعى ساپارى كەزىندە گەرمانيا قارۋلى كۇشتەرىنىڭ اۋعانستانداعى اسكەري بەلسەندىلىگىن كۇشەيتە تۇسەتىنىن مالىمدەدى. ناتو كۇشتەرىنىڭ قۇرامىنداعى گەرمانيا قارۋلى كۇشتەرى اۋعانستان اسكەرلەرىن قاۋىپسىزدىكتى قورعاۋ، تەرروريزمگە قارسى كۇرەسۋ جانە قارۋلى وپەراتسيالار جۇرگىزۋ ىستەرىنە دايىندايتىنىن جەتكىزدى.

گەرمانيا قورعانىس ءمينيسترىنىڭ مالىمدەۋىنشە، نەمىس اسكەرلەرى اۋعانستاندا قاۋىپسىزدىك پەن ورنىقتىلىق قالپىنا كەلگەنگە دەيىن ءوز مىندەتىن جالعاستىرادى. ونىڭ ايتۋىنشا، اۋعانستان قاۋىپسىزدىك كۇشتەرى ەلدى قورعاۋعا ءالى دە دايىن ەمەس.

“The Qazaq Times”