ترامپ پەن كيم جوڭ ۋننىڭ كەزدەسۋى مامىر ايىنا جوسپارلانىپ وتىر. فوتو: CNN.com.

وتكەن اپتانىڭ سوڭىندا وتكەن بۇۇ ماجىلىسىندە، سولتۇستىك كورەيا حالىقارالىق وپەراتسيالىق جەلى ارقىلى جاھاندىق سانكتسيالاردان جالتارىپ كەلگەنى ءمالىم بولدى. الايدا، حالىقارالىق قاۋىمداستىقتىڭ لاۋازىمدىلارى ءبىر اۋىزدان اقش پەن كحدر باسشىلارى كەزدەسۋدەن بۇرىن سولتۇستىك كورەياعا قاراتا جاڭا سانكتسيا قابىلدانبايتىنىن ايتتى. بۇل تۋرالى «WSJ» باسىلىمى حابارلادى.

سولتۇستىك كورەيانىڭ سانكتسيادان جالتارۋ ىسىنە قاراتا قاۋىپسىزدىك كەڭەس جاڭا شارالاردىڭ جوباسىن دايىنداعان. الايدا، بۇۇ لاۋازىمدىلارىنىڭ شەشىمى بويىنشا، مامىر ايىنداعى ترامپ پەن كيم جوڭ ۋننىڭ كەزدەسۋىنە دەيىن سولتۇستىك كورەياعا قاراتا جاڭا جازالاۋ شارالارىن قابىلدامايدى.

اقش پەن سولتۇستىك كورەيا اراسىنداعى كەلىسسوز ناتيجەسى بەلگىلى بولماي تۇرىپ، سولتۇستىك كورەياعا جاڭا قىسىمدار جاسالسا، بۇل اتالعان ەلدىڭ كەلىسسوزگە دەگەن، ەڭ ماڭىزدىسى يادرولىق قارۋدان باس تارتۋعا دەگەن ىنتاسىنا كەرى اسەر ەتۋى مۇمكىن.

“The Qazaq Times”