تەررورلىق ۇيىمنىڭ مۇشەسى دەگەن كۇدىكپەن 60 ادام تۇتقىندالدى. فوتو: Tass.

رەسەي فەدەرالدىق قاۋىپسىزدىك قىزمەتى مەن ءىىم-ءنىڭ كەشەگى مالىمەتىنە قاراعاندا، فەدەرالدىق قورعانىس كۇشتەرى ەل ورتالىق قالاسى ماسكەۋدەن جانە ونىڭ ماڭىنان حالىقارالىق تەررورلىق ۇيىمنىڭ كولەمدى تاسىمالداۋ ارناسىن تالقانداعان. قولعا تۇسكەن 60 كۇدىكتى ادامدى رەسەي قاۋىپسىزدىك تاراۋلارى «يسلام مەملەكەتى» تەررورلىق ۇيىمنىڭ مۇشەلەرى دەپ كورسەتتى. بۇل تۋرالى «شينلاڭ» اقپاراتتىق سايتى جازدى.

رەسەي فەدەرالدىق قاۋىپسىزدىك قىزمەتىنىڭ كوپتەن بەرگى باقىلاۋىندا بولعان كۇدىكتى توپقا جاسالعان ارناۋلى وپەراتسيا كەزىندە 17 ورىنعا تەكسەرۋ جۇرگىزىپ، سونىڭ ۇشەۋىنەن جالعان قۇجات جاسايتىن ستۋديانى انىقتاعان. ءتىنتۋ كەزىندە يمميگراتسيالىق قۇجاتتار مەن كارتالار، پاسپورتتاردىڭ تۇپنۇسقاسى جانە كوشىرمەلەرى تابىلعان.

فەدەرالدىق قاۋىپسىزدىك قىزمەى مالىمدەمەدە: «بۇل ارنايى قۇرىلعان اۋقىمدى تاسىمالداۋ ارناسى، ءارى ول «يم» تەررورلىق ۇيىمىمەن تىكەلەي قاتىستى بولۋى مۇمكىن. ولار يمميگراتسيالىق قۇجاتتار ارقىلى تەررورلىق توپتىڭ مۇشەلەرىن ءبىر ەلدەن كەلەسى ەلگە جەتكىزۋمەن اينالىسادى»، – دەلىنگەن. اتالعان ىسكە قاتىستى تەرگەۋ شارالارى جالعاسىپ جاتقانىن ايتتى.

“The Qazaq Times”