ازەربايجان قارۋلى كۇشتەرى. فوتو: ensonhaber.com.

ازەربايجاندا بۇگىن  ەل تاريحىنداعى ەڭ اۋقىمدى اسكەري-وقۋ جاتتىعۋ باستالدى. اتالعان اسكەري جاتتىعۋعا 25 مىڭ جاۋىنگەر قاتىسادى جانە ازەربايجان قارۋلى كۇشتەرىنىڭ ەڭ جاڭا سوعىس قۇرالدارى سىننان وتەدى. بۇل تۋرالى «شينلاڭ» اقپاراتتىق سايتى حابارلادى.  

ازەربايجان قورعانىس مينيسترلىگى تاراتقان مالىمەتتە، اسكەري جاتتىعۋعا 250 تانك پەن ساۋىتتى اسكەري كولىكتەر، مىڭعا جۋىق ارتيللەريا، 50 اسكەري ۇشاق، سونداي-اق، ەڭ جاڭا بارلاۋ قۇرىلعىلارى مەن ۇشقىشسىز ۇشۋ قۇرىلعىلارى دا قاتىستىرىلادى.

تۇركيانىڭ «انادولى» اقپاراتتىق اگەنتتىگى ءبىر اپتا بۇرىن ازەربايجاننىڭ كەزەكتى اسكەري جاتتىعۋى تۋرالى حابارلاپ، اسكەري شارانى پرەزيدەنت يلحام اليەۆ ارنايى بەكىتكەنىن، 12-17 ناۋرىز كۇندەرى اراسىندا وتەتىنىن ايتقان. 

“The Qazaq Times”