قازاقستان سپورتشىسى اننا شەۆچەنكو 28 قىسقى ۋنيۆەرسيادانىڭ العاشقى مەدالىن ەنشىلەدى. بۇل تۋرالى Today.kz حارابلادى.

اننا شاڭعىشىلاردىڭ 5 شاقىرىمدىق كلاسسيكالىق ستيلدەگى جەكەلەي جارىسىندا باق سىناعان بولاتىن. بۇل سىننىڭ التىن مەدالىن رەسەيلىك ليليا ۆاسيلەۆا، كۇمىس مەدالىن ونىڭ وتانداسى اننا نەچاۆسكوي يەلەندى. ال، جەرلەسىمىز قولا جۇلدەنى قاناعات تۇتتى.

جارىستىڭ  بۇل تۇرىندەگى سپورتشىلارىمىزدىڭ ناتيجەسى تومەندەگىدەي:  يرينا بىكوۆا – 10, ولگا ماندريكوۆا – 12, اننا ستويان – 13, انگەلينا شۋرىگا – 18, انجەليكا تاراسوۆا – 25 ورىنداردان كورىندى.

اننا شەۆچەنكو شاڭعىمەن سىرعاناۋدان قر سپورت شەبەرى. 23 جاستاعى سپورتشى 2016 جىلعى قازاقستان چەمپيوناتىنىڭ، جاستار چەمپيونتاىنىڭ، ەل كۋبوگىنىڭ جەڭىمپازى. الەم كۋبوگى جارىسىنا، الەم چەمپيوناتىنا قاتىسۋشى.

ەستەرىڭىزگە سالا كەتسەك، ۋنيۆەرسيادانىڭ اشىلۋ سالتاناتى كەشە الماتى ارەنادا پرەزيدەنت ن.نازاراەۆتىڭ قاتىسۋىمەن وتكەن بولاتىن.

“The Qazaq Times”