بۇۇ باس حاتشىسى داعدارىس سالدارىمەن كۇرەسۋگە جۇمسالعان قارجى جايلى ايتتى

Cوڭعى ون جىلدا بىرىككەن ۇلتتار ۇيىمى داعدارىس سالدارىمەن كۇرەسۋگە 233 ملرد دوللار جۇمساعان. بۇل تۋرالى باس اسسامبلەيا جيىنىندا ۇيىمنىڭ باس حاتشىسى  انتونيۋ گۋتەرريش "بەيبىتشىلىك قۇرۋ جانە بەيبىتشىلىكتى ساقتاۋ" اتتى بايانداماسىندا مالىمدەدى، دەپ حابارلادى ربك.

بۇۇ باس حاتشىسىنىڭ مالىمەتىنشە، بۇل قاراجات گۋمانيتارلىق، بىتىمگەرلىك جانە بوسقىندارعا كومەككە جۇمسالعان. ول جۇمسالعان اقشانىڭ وتەلەتىنىن، الايدا ادام ءومىرى قايتارىلمايتىنىن تىلگە تيەك ەتكەن. سوندىقتان داعدارىستان كەيىن ارەكەت ەتۋدىڭ ورنىنا، ونى الدىن-الۋ جۇمىستارىنا كوپ قارجى جۇمساۋىمىز كەرەك»، - دەدى گۋتەرريش. ونىڭ ايتۋىنشا، ءىستى الدىن الۋ  ديپلوماتياسى ادامداردى قۇتقارىپ قانا قويماي، ەكونوميكالىق تۇرعىدان دا ۇتىمدى بولادى.

بۇۇ حابارىنا قاراعاندا، داعدارىستى الدىن الۋعا قاتىستى شارالاردى قابىلداۋ ارقىلى حالىقارالىق ۇيىم جىلىنا 5 ملرد دوللاردان 70 ملرد دوللارعا دەيىنگى قارجىنى ۇنەمدەي الادى ەكەن. مۇنداي مالىمەتتەردى دۇنيەجۇزىلىك بانك كەلتىرگەن. ال گۋتەرريش ۇيىم قابىلداۋى ءتيىس قاجەتتى شارالار قاتارىنا قولدان كەلگەنشە قولداۋ كورسەتۋ جانە ۇيىمعا مۇشە ەلدەردىڭ جۇمىس ىستەۋى كىرەتىنىن ايتادى.

بۇدان بولەك گۋتەرريش بەيبىتشىلىك قۇرۋ جونىندەگى قورداعى قاراجات 250 ملن دوللاردى قۇرايتىنىن اتاپ ءوتتى. وسىلايشا ول قوردىڭ جارعىلىق كاپيتالىن 500 ملن دوللارعا دەيىن جەتكىزۋدى ۇسىنىپ وتىر.

“The Qazaq Times”